မကြာသေးခင်ကလည်း ချစ်သူနဲ့ လမ်းခွဲလိုက်ပြီဖြစ်ကြောင်း နှစ်ဦးစလုံး တရားဝင်ကြေညာ ခဲ့တဲ့နောက် သူမကို ချစ်တဲ့ ပရိသတ်တွေကတော့ သူမအဆင်ပြေပ့ါမလား ဆိုတဲ့ စိတ်နဲ့ စိုးရိမ်လို့ နေခဲ့ကြပါသေးတယ်။ 

ပရိသတ်တွေစိတ်ပူနေကြတဲ့အပေါ်ကိုလည်း သူမက “ထက်အနေနဲ့ ဘာမှ မဖြစ်ပါဘူး ထက်ကို ချစ်ပေးတာ အရမ်းကျေးဇူးတင်တယ်။ ထက်ပြောသလိုပဲ အနုပညာသမားဖြစ်တဲ့အတွက် သနားတာ ဂရုဏာ သက်တာမျိုး စာရင် Artist တစ်ယောက်လို့ ချစ်ပေးတာမျိုး အသိအမှတ်ပြုတာ ပိုပြီး ခံချင်တယ်။ထက်က နာမည်ကြီးအောင် အတန်းရှင်း ရှာတာမမျိုး မလုပ်ခဲ့ဖူးဘူး။ လုပ်လည်း မလုပ်ချင်ဘူး” ဆိုပြီး သူမက မီဒီယာတွေကနေ တစ်ဆင့် တောင်းဆိုခဲ့ပါသေးတယ်။

“ညီမက မွေးကတည်းက ပါလာတဲ့ ကောင်းတဲ့ စိတ်လို့ပဲ ပြောရမလားပေ့ါ ဖြစ်ရင် ဖြစ်သွားတယ် ဖြစ်သွားတဲ့ ပေါ်မှာ လိုက်ပြီး ကိုယ်ဘယ်လိုနေမလဲဆိုတာပဲ တွေးဖြစ်တယ်။ ထက်ကိုက အများကြီး သိပ်မစဥ်းစားဖြစ်တဲ့ ထဲမှာပါတယ် Over Thinking သမားလည်း မဟုတ်တော့ တစ်ခုခု ဖြစ်သွားခဲ့ပြီဆိုရင် ဖြစ်သွားတဲ့အပေါ်မှာ ကိုယ်ဘယ်လိုနေမလဲဆိုတာ တွေးဖြစ်ပြီး နေတာများတယ်။ ကိုယ်ဘဝမှာ ဘယ်လို ကိစ္စ မျိုးကြုံကြုံပေ့ါပြိုလဲစရာ မျိုးရယ် ကြုံလာရင် တချို့ကတော့ အရမ်းတွေးတယ် တချို့ကတော့ မစဥ်းစားကြဘူး ထက်က type က ဖြစ်ရင်ဖြစ်တယ် ပျက်ရင် ပျက်တယ် ပြီးရင် ပြီးသွားတယ် သိပ်ပြီး မခံစားဘူး” ဆိုပြီး Duwun ရဲ့ အင်တာဗျူးမှာ ဖြေဆိုပေးခဲ့ပါတယ်၊

ကိုဗစ်ကာလအတောအတွင်းထဲက အနုပညာအလုပ်တွေ ပါးသွားခဲ့တဲ့ သူမက လက်ရှိမှာတော့ အနုပညာအလုပ်တွေကို ခပ်စိပ်စိပ် ပြန်လည် လုပ်ကိုင်လာတာတွေ့ရပါတယ်။ 

“ဒီကြားထဲ အလုပ်တွေ တောက်လျှောက်လုပ်လာတယ် သီချင်းလည်း မထွက်ဖြစ်ဘူး ထက်သီချင်းတွေကတော့ ရေးနေတာပဲ သီချင်းရေးပြီး မကြိုက်လို့ မထုတ်ဖြစ်တာနဲ့ နှစ်ချီလာတာပေ့ါ အခုလက်ရှိကတော့ သီချင်းရော တခြား အနုပညာအလုပ်တွေပါ ပြန်လုပ်ဖြစ်နေပါတယ်သီချင်းအသစ်တွေ ထွက်ဖို့ ရှိပါတယ်” လို့ ပရိသတ်တွေအတွက် စကားလက်ဆောင် ပါးခဲ့ပါသေးတယ်။

Bobby Soxer ဟာ ငယ်ငယ်ကတည်းက ဂီတလောကထဲကို ရောက်ရှိလာသူ တစ်ဦးဖြစ်ပြီး ပရိသတ်အားပေးမှု အခိုင်အမာရရှိထားသူ တစ်ဦးဖြစ်ပါတယ်။ Hip Hop ဘုရင်မလို့တောင် ခေါ်ဆိုခံရတဲ့ သူမဟာ အတွဲခွေ များစွာ မှာ ပါဝင်သီဆိုထားကာ အောင်မြင်မှု ရရှိထားပြီး ၂၀၁၅ ခုနှစ်က ထွက်ရှိထားတဲ့ သူမရဲ့ တစ်ကိုယ်တော် အခွေ “21”ထဲက သီချင်းတွေဟာ ပရိသတ်တွေရဲ့ ပါးစပ်ဖျားမှာ အခုထိ ရေးပန်းစားလျက်ရှိပါတယ်။