အဆိုတော် ရတနာကတေ့ ပရိသတ်တွေကိုမင်္ဂလာသတင်းနဲ့အတူ Surprise တိုက်လိုက်ပါပြီ။
Photo : ကျော်ဇင်ထက်
No အဖွဲ့ဝင်တစ်ယောက်ဖြစ်တဲ့ အဆိုတော် ရတနာကတော့ ရန်ကုန်ယူနိုက်တက်၊မြန်မာလက်ရွေးစင် ဂိုးသမားဟောင်း ကျော်ဇင်ထက်နဲ့ ရွှေလက်တွဲသွားပြီဖြစ်ပါတယ်။ အချစ်ရေး သတင်းနဲ့ ပတ်သက်ပြီး ပရိသတ်တွေကို ပြောပြလေ့ မရှိတဲ့ အဆိုတော် ရတနာက ပရိသတ်တွေအတွက် မင်္ဂလာသတင်းနဲ့အတူ Surprise တိုက်လိုက်ပါပြီ။
ရန်ကုန်ယူနိုက်တက်၊မြန်မာ့လက်ရွေးစင် ဂိုးသမားဟောင်း အဆိုတော် ကျော်ဇင်ထက်နဲ့ ရတနာတို့ရဲ့ မင်္ဂလာပွဲကို မတ်လ(၂၅) ရက်နေ့ညက ရန်ကုန်ယူနိုက်တက် ဘောလုံးကွင်းမှာ ကျင်းပခဲ့တာ ဖြစ်ပါတယ်။
Photo; ကျော်ဇင်ထက်
အဆိုတော် ကျော်ဇင်ထက်ဟာ ရန်ကုန်ယူနိုက်တက်နဲ့ မြန်မာ့လက်ရွေးစင် ဂိုးသမားဟောင်း တစ်ဦးဖြစ်ပြီး တစ်ဖက်မှာလဲ Hip Hop အဆိုတော် တစ်ဦး ဖြစ်ပါတယ်။ ငယ်စဥ်ကတည်းက Hip Hop ကို စိတ်ဝင်စားခဲ့ပြီး တစ်ချိန်မှာ အဆိုေတာ် ဖြစ်အောင်လုပ်မယ်ဆိုတဲ့ ရည်ရွယ်ချက် ရှိခဲ့သူလည်း ဖြစ်ပါတယ်။ ဒါ့အပြင် သူသီဆိုထားတဲ့ “One Men Two Life “ဆိုတဲ့ သီချင်းဟာ လူငယ်တွေကြား အရမ်းကို ပေါက်ခဲ့တဲ့ သီချင်းတစ်ခု ဖြစ်ပါတယ်။ ထိုသီချင်းထဲကတော့ သူ့ရဲ့ ဘဝအကြောင်းကို ထင်ဟပ်စေတဲ့ သီချင်းတစ်ပုဒ်ဆိုရင်လည်း မမှားပါဘူး။
အဆိုတော် ရတနာကတော့ ပရိသတ်တွေ သိတဲ့အတိုင်း No အဖွဲ့ဝင် တစ်ဦးဖြစ်ပြီး ပရိသတ်တွေရဲ့ အားပေးမှုကို အခိုင်အမာရရှိထားတဲ့ သူလည်း ဖြစ်ပါတယ်။ No အဖွဲ့ဟာ ဆိုရင်မြန်မာနိုင်ငံမှာ မိန်းကလေးအဆိုတော် အဖွဲ့တွေ လက်ချိုးရေလို့ ရသေးတဲ့ အချိန် ၂၀၀ဝပြည့်နှစ် နောက်ပိုင်းမှာ နာမည်အရမ်းကြီးခဲ့တဲ့ အမျိုးသမီးအဆိုတော်အဖွဲ့တစ်ဖွဲ့ပါ။ No! ရဲ့ ဘာလိုသေးလဲ သီချင်းခွေဟာ အဲ့ဒီ့ခေတ်အခါက အိမ်တိုင်းလိုလိုဆိုင်တိုင်းလိုလို လမ်းတိုင်းလိုလိုမှာကြားနေခဲ့ရတာတော့အမှန်ပါပဲ။ သူတို့အဖွဲ့ရဲ့အောင်မြင်မှုကလည်း လူတွေရဲ့ပါးစပ်ဖျားမှာ ရေပန်းစားနေခဲ့ပါတယ်။ "ဘာလိုသေးလဲ "ထွက်ရှိပြီးချိန်မှာတော့ No!ရဲ့ ဒုတိယအခွေဖြစ်တဲ့ "ရိုးသွားပြီ"ထွက်ရှိခဲ့ပါသေးတယ် ။ အဲ့ဒီ့နောက် တတိယအခွေ မထွက်ရှိခင် ကြားကာလမှာပဲ အဖွဲ့ဝင်သဇင်ဟာ ဆက်ပြီးမပါဝင်ခဲ့တော့တာနဲ့ အဖွဲ့ဝင်နှစ်ယောက်ဖြစ်တဲ့ ရည်မွန်နဲ့ရတနာက No!အဖွဲ့အဖြစ် ဆက်ရှိနေခဲ့ကြတာပါ ။ ရည်မွန်နဲ့ရတနာဟာ mini album ကိုထုတ်လုပ်ဖို့ စီစဥ်ထားပေမယ့်လည်း ကိုဗစ်ရောဂါကြောင့် အခွေထုတ်ဖို့ နောက်ဆုတ်ခဲ့ရပါတယ်။ အခြေအနေတွေကောင်းလာတဲ့တစ်နေ့တော့ သီချင်းခွေထုတ်ဖို့ဆက်လက်စီစဥ်ဖြစ်မယ်လို့လည်းသိရပါတယ် ။
No အဖွဲ့ဟာ 90 Born တွေ အရမ်းကို ကြိုက်ခဲ့တဲ့ မိန်းကလေး အဆိုတော်အဖွဲ့တစ်ဖွဲ့ဖြစ်ပြီး အခုလက်ရှိထိလည်း ပရိသတ်တွေရဲ့ ရင်ထဲမှာ နေရာ တစ်နေရာ ရရှိနေဆဲ အဖွဲ့လည်း ဖြစ်ပါတယ်။