မန်ချက်စတာယူနိုက်တက်အသင်းတိုက်စစ်မှူးဟောင်း ဝိန်းရွန်နီက လာမယ့် အက်ဖ်အေဖလားဗိုလ်လုပွဲမှာ မန်ချက်စတာစီးတီးကို သူ့ရဲ့အသင်းဟောင်းက အနိုင်ယူနိုင်လိမ့်မယ်လို့ ခံစားရကြောင်း ပြောဆိုလိုက်ပါတယ်။ ရွန်နီကတော့ ချန်ပီယံလိဂ်ဆီမီးဖိုင်နယ်မှာ ရီးရဲလ်မက်ဒရစ်ကို မန်စီးတီးက ကျော်ဖြတ်နိုင်မယ်လို့ ပြောဆိုခဲ့သူဖြစ်ပါတယ်။ 

အက်ဖ်အေဖလားဗိုလ်လုပွဲမှာတော့ မန်စီးတီးက အနိုင်ရဖို့အတွက် ရေပန်းစားနေပါတယ်။ မန်စီးတီးဟာ တရာသီအတွင်း ဖလားသုံးလုံးရယူနိုင်ဖို့ ပစ်မှတ်ထားနေပြီး အက်ဖ်အေဖလားဗိုလ်လုပွဲမှာ ယူနိုက်တက်သာ အနိုင်ရခဲ့မယ်ဆိုရင် မြို့ခံပြိုင်ဘက်ရဲ့ ဖလားသုံးလုံးအိပ်မက်ကို ဖျက်စီးပစ်နိုင်မှာ ဖြစ်ပါတယ်။