၆၃နှစ်အတွင်း တပွဲတည်းလေးဂိုးသွင်းနိုင်တဲ့ ပထမဆုံးပြင်သစ်သားဖြစ်လာတာပါ။

ပီအက်စ်ဂျီတိုက်စစ်မှူးဟာ ပွဲချိန်နာရီဝက်အတွင်းမှာပဲ ဟက်ထရစ်ရရှိခဲ့ကာ ဒုတိယပိုင်းမှာ နောက်တစ်ဂိုးထပ်သွင်းပြီး ပြင်သစ်အတွက် ပထမဆုံးအကြိမ်အဖြစ် တစ်ပွဲတည်းလေးဂိုးသွင်းယူနိုင်ခဲ့ပါတယ်။ 


ကာဇက်စတန်ကို ၈-၀ နဲ့ ပြင်သစ်ကဂိုးပြတ်အနိုင်ရရှိခဲ့ပြီး ကမ္ဘာ့ဖလားခြေစစ်ပွဲအောင်မြင်ခဲ့ရာမှာ ဘတ်ပီက တစ်ဦးတည်းလေးဂိုးသွင်းယူပြီး ခြေစွမ်းပြသွားခဲ့ပါတယ်။ ပီအက်စ်ဂျီတိုက်စစ်မှူးဟာ ပွဲချိန်နာရီဝက်အတွင်းမှာပဲ ဟက်ထရစ်ရရှိခဲ့ကာ ဒုတိယပိုင်းမှာ နောက်တစ်ဂိုးထပ်သွင်းပြီး ပြင်သစ်အတွက် ပထမဆုံးအကြိမ်အဖြစ် တစ်ပွဲတည်းလေးဂိုးသွင်းယူနိုင်ခဲ့ပါတယ်။ 



ဒါဟာ ၁၉၅၈ ခုနှစ်နောက်ပိုင်း ပြင်သစ်အတွက် တစ်ပွဲတည်းမှာ ၄ ဂိုးသွင်းယူနိုင်တဲ့ ပထမဆုံးကစားသမားအဖြစ် မှတ်တမ်းဝင်ခဲ့တာလည်းဖြစ်တယ်လို့ ESPN က ဖော်ပြခဲ့ပါတယ်။ နောက်ဆုံးအကြိမ်အဖြစ် လေးဂိုးသွင်းယူပေးခဲ့သူက အနောက်ဂျာမနီနဲ့ပွဲမှာ ဂျက်ဖောင်တိန်က သွင်းယူခဲ့တာဖြစ်ပြီး အဲဒီနောက်ပိုင်း ပြင်သစ်နာမည်ကျော်တိုက်စစ်မှူးတွေ မလုပ်ပြနိုင်ခဲ့တဲ့ စွမ်းဆောင်ရည်ကို ဘတ်ပီက လုပ်ပြခဲ့တာလည်းဖြစ်ပါတယ်။ 
ဒီနိုင်ပွဲနဲ့အတူ ပြင်သစ်ဟာ ကမ္ဘာ့ဖလားခြေစစ်ပွဲကိုပါ အောင်မြင်သွားခဲ့ပြီဖြစ်ပါတယ်။ ၂၀၂၂ ကာတာကမ္ဘာ့ဖလားပွဲကို ဝင်ရောက်ဆင်နွှဲခွင့်ရရှိခဲ့ပြီဖြစ်ပြီး လက်ရှိချန်ပီယံဘွဲ့ကို ကာကွယ်ပြရတော့မှာလည်းဖြစ်ပါတယ်။ ပြင်သစ်အတွက် နောက်ထပ်ဂိုးတွေကိုတော့ ဘန်ဇီမာက ၂ဂိုး၊ ရာဘီယော့နဲ့ ဂရစ်မန်းတို့က တစ်ဂိုးစီ အသီးသီးသွင်းယူပေးနိုင်ခဲ့ကြပါတယ်။ 


ဥရောပအသင်းငယ်လေး ကာဇက်စတန်ကတော့ တိုက်စစ်ပိုင်းမှာ လူစုံတက်စုံနဲ့ ပွဲထုတ်လာခဲ့တဲ့ ပြင်သစ်ကို လုံး၀ယှဉ်ကစားနိုင်ခဲ့ခြင်းမရှိခဲ့ဘဲ ဂိုးတွေဆက်တိုက်ခွင့်ပြုခဲ့ရပါတယ်။ အသက် ၂၂ နှစ်အရွယ်ရှိပြီဖြစ်တဲ့ ဘတ်ပီကတော့ ပြင်သစ်အတွက် ၅၂ ပွဲကစားပေးအပြီးမှာပဲ သွင်းဂိုး ၂၃ ဂိုးအထိ ရရှိထားခဲ့ပြီဖြစ်ကာ တိုက်စစ်မှူးဟောင်းဝီးလ်တော့နဲ့ ၃ ဂိုးသာ ကွာဟတော့တာဖြစ်ပါတယ်။ 

လက်ရှိပွဲအရေအတွက်မှာ သွင်းယူထားတဲ့ သွင်းဂိုးအနေအထားကို ထိန်းထားနိုင်မယ်ဆိုရင်တော့ အွန်နရီရဲ့ ၅၁ ဂိုးသွင်းယူပြီး ဂီုးအများဆုံးကစားသမားစံချိန်ကို လိုက်မီနိုင်မှာဖြစ်ပါတယ်။ 


ဆက်စပ်အကြောင်းအရာများ

Share

က္က