ငါးဇွန်က ဆေးခြောက်စိုက်ခင်းပိုင်ရှင်တွေ အဖမ်းခံရပြီ

(၃) ဦးကို ဖမ်းမိခဲ့တာဖြစ်ပါတယ်။

6 years ago

မန္တလေးတိုင်း ငါးဇွန်မြို့နယ်က ဆေးခြောက် စိုက်ခင်းပိုင်ရှင် (၃) ဦးကို ဖမ်းဆီးမိပြီလို့ မူးယစ်ဆေးဝါးတားဆီးနှိမ်နင်းရေး ရဲတပ်ဖွဲ့က သတင်းထုတ်ပြန်ပါတယ်။

Photo - CCDAC

ဧပြီလ ၂၂ ရက် ညနေ ငါးနာရီအချိန်လောက်က မူးယစ်တပ်ဖွဲ့ဝင်တွေ၊ ဓာတုဗေဒစစ်ဆေးရေးဌာနခွဲ တာဝန်ရှိသူတွေ ပူးပေါင်းပြီး မန္တလေးတိုင်း၊ ငါးဇွန်မြို့နယ်၊ မန္တလေးမြို့သာစက်မှု ဥယျာဉ်မြို့တော်ဝင်း၊ အမှတ် (၂) လုပ်ကွက်အတွင်းရှိ III M Glabal Nutracetical Company စိုက်ခင်းကို စစ်ဆေးခဲ့ကြောင်းသိရပါတယ်။

အဆိုပါ စိုက်ခင်းဧက ၂၀ မှာ ဆေးခြောက် အပင်ပေါင်း ၃၄၉,၂၉၀ ခန့်၊ ပျိုးပင် ၅၂၀ဝ ခန့်ရှိပြီး ဆာလာအိတ် ၁၉ အိတ်အတွင်းမှ ဆေးခြောက်အစေ့ (မျိုးစေ့) ၃၈၀ ကီလို၊ ဖန်ပုလင်းအတွင်းကနေ ဆေးခြောက်အဆီ ၁,၈၀၄ ဂရမ်၊ Formic Acid ၁ လီတာ၊ အက်သနော အရည် ၄၅.၆ လီတာ၊ အယ်ကိုဟောအရည် ၂၂.၈ လီတာ၊ Bio Maxs အစိမ်းရောင်အရည် ၆ လီတာ၊ Acetone အရည် ၅ လီတာ၊ Acetonitrile အရည် ၅ လီတာ၊ Concort Water ၃ လီတာ၊ Methonal အရည် ၁၂.၅ လီတာ၊ အမိုနီယမ်ဖော့စဖိတ် ၅၀ဝ ဂရမ်ပါ မော်တော်ယာဉ် ၂ စီး၊ ဆေးခြောက် ၂၇၀.၅ ကီလိုနှင့် ဆက်စပ်ပစ္စည်းတွေကို သိမ်းဆည်းရမိခဲ့တယ်လို့ သိရပါတယ်။

Photo - CCDAC

ပစ္စည်းတွေကိုသိမ်းဆည်းရမိခဲ့ပြီး အသက် (၃၇) နှစ်အရွယ် ရှိန်းလတ်၊ အသက် (၂၃) နှစ်အရွယ် မရွှန်းလဲ့မြတ်နိုး၊ အမေရိကန်နိုင်ငံသား Mr. John Fredric Todoroki (၆၃)နှစ်တို့ကို ဖမ်းဆီးမိခဲ့ပြီး နောက်ထပ်အမေရိကန်နိုင်ငံသားတစ်ဦး Mr. Alexander Skemp Todoroki (စုံစမ်းဆဲ)တို့ကို မူးယစ် ဆေးဝါးနှင့် စိတ်ကိုပြောင်းလဲစေသောဆေးဝါးများဆိုင်ရာဥပဒေအရ အရေးယူထားတယ်လို့ သိရပါတယ်။

က္က