အယ်လ်ဆတ်ဒ်ကိုပေးခဲ့ရတဲ့ လျော်ကြေးငွေကို ထက်ဝက်စိုက်ပေးခဲ့တာပါ။

ဇာဗီဟာ နည်းပြရော်နယ်ကိုးမန်းရဲ့ နေရာကို ဆက်ခံရမှာဖြစ်ပြီး ရလဒ်တွေယိမ်းယိုင်နေတဲ့ အသင်းဟောင်းကို တည့်မတ်ပေးရမှာဖြစ်ကာ ကစားသမားဘဝမှာ အောင်မြင်မှုတွေရယူပေးနိုင်ခဲ့သလို နည်းပြဘဝမှာလည်း ရယူပေးနိုင်မလားဆိုတာ စိတ်ဝင်စားဖို့ကောင်းလာခဲ့ပါတယ်။ 


အသင်းကွင်းလယ်လူဟောင်းဇာဗီကို နည်းပြသစ်အဖြစ် ခန့်အပ်နိုင်ခဲ့ပြီလို့ ဘာစီလိုနာအသင်းက တရားဝင်ကြေညာခဲ့ပြီဖြစ်ပါတယ်။ ကာတာကလပ်အယ်လ်ဆတ်ဒ်ကို ကိုင်တွယ်နေတဲ့ ဇာဗီဟာ နည်းပြရော်နယ်ကိုးမန်းရဲ့ နေရာကို ဆက်ခံရမှာဖြစ်ပြီး ရလဒ်တွေယိမ်းယိုင်နေတဲ့ အသင်းဟောင်းကို တည့်မတ်ပေးရမှာဖြစ်ကာ ကစားသမားဘဝမှာ အောင်မြင်မှုတွေရယူပေးနိုင်ခဲ့သလို နည်းပြဘဝမှာလည်း ရယူပေးနိုင်မလားဆိုတာ စိတ်ဝင်စားဖို့ကောင်းလာခဲ့ပါတယ်။ 



ဇာဗီကို ခေါ်ယူနိုင်ဖို့အတွက် ဘာစီလိုနာဟာ ရက်အနည်းငယ်ကြာကြိုးစားခဲ့ပြီး အယ်လ်ဆတ်ဒ်အသင်းနဲ့ ညှိနှိုင်းခဲ့ရပါတယ်။ အယ်လ်ဆတ်ဒ်အသင်းရဲ့ ပြောဆိုချက်အရ ဘာစီလိုနာက လျော်ကြေးပေးချေဖို့ သဘောတူညီခဲ့သလို အနာဂတ်မှာ ကလပ်အသင်းနှစ်သင်းကြား ပူးပေါင်းဆောင်ရွက်မှုတွေပြုလုပ်ခွင့်ပေးမယ်ဆိုတဲ့ မက်လုံးကိုပါ ပေးခဲ့ရဖွယ်ရှိနေပါတယ်။ 

စပိန်သတင်းဌာနတစ်ခုဖြစ်တဲ့ Mundo Deportivo ကတော့ အယ်လ်ဆတ်ဒ်အသင်းကို ပေးချေရမယ့် လျော်ကြေးငွေကို ဇာဗီက ထက်ဝက်စိုက်ပေးခဲ့ရတယ်လို့ ဖော်ပြခဲ့ပါတယ်။ လျော်ကြေးအနေနဲ့ ယူရိုငါးသန်းပေးခဲ့ရတာဖြစ်ပြီး အဆိုပါသတင်းသာ မှန်ကန်ခဲ့တယ်ဆိုပါက ဇာဗီဟာ ယူရို ၂.၅သန်းအထိကို စိုက်ထုတ်ပြီးတော့မှ အသင်းဟောင်းကို ကိုင်တွယ်ဖို့ အသုံးပြုခဲ့ရမှာဖြစ်ပါတယ်။ 

ဒါဟာ ဘဏ္ဍာရေးအခက်အခဲရှိနေတဲ့ အသင်းဟောင်းကို ကူညီခဲ့တာလား၊ ဒါမှမဟုတ် သူ ကိုယ်တိုင်က အသင်းဟောင်းကို ပြန်လည်ကိုင်တွယ်ချင်စိတ်ပြင်းပြလို့ လျော်ကြေးပေးချေမှုမှာ ထက်ဝက်စိုက်ပေးခဲ့တာလားဆိုတာကိုတော့ ရှင်းရှင်းလင်းလင်းမသိရသေးပါဘူး။ ဘာစီလိုနာက သူ့ကို ၂ နှစ်ခွဲစာချုပ်ချုပ်ဆိုခဲ့တာဖြစ်ပြီး စပိန်ကွင်းလယ်လူဟောင်းဘက်က တောင်းဆိုချက်တချို့တော့ ရှိခဲ့တယ်လို့ သိရပါတယ်။ 


အယ်လ်ဆတ်ဒ်မှာ သူနဲ့လက်တွဲနေတဲ့ နည်းပြအဖွဲ့ကို အတူတူခေါ်ဆောင်လာဖို့၊ ဘာစီလိုနာအသင်းဆရာဝန်ဟောင်းတစ်ခုကို ပြန်ခန့်အပ်ပြီး လက်ရှိရင်ဆိုင်နေရတဲ့ ကစားသမားဒဏ်ရာပြသနာတွေကို ဖြေရှင်းဖို့နဲ့ အပြောင်းအရွှေ့ကာလမှာ တောင်ပံကစားသမားတစ်ဦးဝယ်ယူပေးဖို့ဆိုပြီး ဇာဗီက တောင်းဆိုခဲ့ကြောင်း သိရပါတယ်။ 


ဆက်စပ်အကြောင်းအရာများ

Share

က္က