ဒီဆုပေးပွဲမှာတော့ အားလုံးမျှော်လင့်ထားတဲ့အတိုင်းပဲ မက်ဆီက သူ့ရဲ့ ကစားသမားဘဝအတွက် (၈) ကြိမ်မြောက် ဘလွန်းဒီအော်ဆုကို ဆွတ်ခူးရရှိခဲ့ပါတယ်။ ရော်နယ်ဒိုကတော့ ဘလွန်းဒီအော် ဆုပေးပွဲကိုတောင် တက်ရောက်ခဲ့ခြင်းမရှိသလို ထိပ်ပိုင်း ဆန်ခါတင် ကစားသမားစာရင်းမှာလည်း မပါဝင်နိုင်ခဲ့ပါဘူး။

iShowSpeed ကတော့ ဒီ ဘလွန်းဒီအော်ဆုပေးပွဲ အခမ်းအနားကို တက်ရောက်လာခဲ့ပြီး ဟာလန်း၊​ မာတီနက်ဇ်တို့လို ကစားသမားတွေနဲ့ စကားလက်ဆုံကျခဲ့ပါတယ်။ ဒါပေမယ့် ဘလွန်းဒီအော်ဆုရှင်ကို ကြေညာချိန်မှာတော့ iShowSpeed က မယုံနိုင်စရာ မျက်နှာအမူအရာတွေကို လုပ်ပြခဲ့ပြီး ရော်နယ်ဒိုကို တောင့်တခဲ့ပါတယ်။

ဘလွန်းဒီအော်ဆုရှင်ကို ဘက်ခမ်းက မကြေညာခင်မှာ iShowSpeed က ရော်နယ်ဒိုရဲ့နာမည်ကို ဆက်တိုက် ရေရွတ်နေခဲ့ပါတယ်။ ဒါပေမယ့် ဘက်ခမ်းက မက်ဆီနာမည်ကို ကြေညာလိုက်ချိန်မှာတော့ iShowSpeed တစ်ယောက် မယုံနိုင်ဖြစ်ခဲ့ရပြီး သူ့ရဲ့ နားနှစ်ဖက်ကို လက်နဲ့အုပ်ကာ မျက်နှာအမူအရာအမျိုးမျိုးဖြစ်နေခဲ့ပါတယ်။

ဒါ့အပြင် “မက်ဆီတဲ့လား။ နိုး... မဖြစ်နိုင်ဘူးလေ။ ဘာလို့ ရော်နယ်ဒိုမဟုတ်တာလဲ” လို့ ပြောဆိုခဲ့တာကိုလည်း ပရိသတ်တွေ မြင်တွေ့ခဲ့ရပါတယ်။ iShowSpeed ဟာ ရော်နယ်ဒိုရဲ့ အမာခံပရိသတ်တစ်ယောက်ဖြစ်ပြီး ရော်နယ်ဒိုကို မြင်တိုင်း အရူးအမူး၊ အသည်းအသန် အားပေးလေ့ရှိခဲ့သူတစ်ယောက်လည်း ဖြစ်ပါတယ်။