အက်သလက်တီကိုမက်ဒရစ်ကနေ ထွက်ခွာခဲ့ပြီဖြစ်တဲ့ ဆွာရက်ဇ်က ဒီနှစ် ဘလွန်းဒီအောဆုကို မက်ဆီကိုပဲ ပေးမယ်လို့ ပြောဆိုလိုက်ပါတယ်။ ဘာစီလိုနာမှာ အသင်းဖော်တွေဖြစ်ခဲ့ပြီး အရမ်းရင်းနှီးတဲ့ သူငယ်ချင်းတွေအဖြစ်ရှိနေခဲ့တဲ့နောက်မှာ ဆွာရက်ဇ်က မက်ဆီကို အချစ်ပိုနေပုံရပြီး ဘန်ဇီမာ ဘယ်လောက်ကောင်းကောင်း မက်ဆီပဲ ပေးမယ်လို့ ဆိုခဲ့တာပါ။

ဒီလိုပြောဆိုမှုအပေါ်မှာ ပရိသတ်တွေက ဝေဖန်နေပြီလည်းဖြစ်ပါတယ်။ မက်ဆီရဲ့ အဆိုးဝါးဆုံးဘောလုံးရာသီဖြစ်နေမှန်းသိသိနဲ့တောင် အခုလိုမျိုး ပေးမယ်လို့ ဆိုခဲ့တာက ခြေစွမ်းပြခဲ့သူတွေကို စော်ကားတာဖြစ်တယ်လို့ တချို့ကဆိုပါတယ်။ ပုဂ္ဂိုလ်ရေးအရခင်မင်မှုနဲ့ ခြေစွမ်းပိုင်းကို ရောယှက်ပြီး ဆွာရက်ဇ်က ပြောဆိုခဲ့တယ်လို့လည်း ဝေဖန်နေကြပါတယ်။