ပြင်သစ်အသင်းခေါင်းဆောင်သစ်အဖြစ် ကိုင်လီယန်ဘတ်ပီကို နည်းပြဒီဒီယာဒက်ချမ့်က ရွေးချယ်ခဲ့တဲ့နောက်မှာ ဂရစ်မန်းက လက်ရွေးစင်ကစားသမားဘ၀ကနေ အနားယူနိုင်တယ်ဆိုတဲ့ သတင်းတွေထွက်ပေါ်လာခဲ့ပါတယ်။ အသက် ၃၂ နှစ် ပြည့်ခဲ့ပြီဖြစ်တဲ့ ဂရစ်မန်းက လက်ရွေးစင်အသင်းခေါင်းဆောင်ရာထူးကို မျှော်လင့်ထားချိန်မှာ ဒက်ချမ့်က ဘတ်ပီကို ဦးစားပေးခဲ့တယ်လို့ ESPN က ဖော်ပြခဲ့ပါတယ်။ 

ကမ္ဘာ့ဖလားကာလတုန်းကလည်း ဂရစ်မန်းက "ပြင်သစ်နဲ့ ဒက်ချမ့်အတွက် ကျနော် ဘာမဆိုပေးဆပ်သွားမှာပါ" လို့ ပြောဆိုခဲ့ဖူးပါသေးတယ်။ ဘတ်ပီကလည်း ပြင်သစ်ရဲ့ အဓိကတိုက်စစ်မှူးဖြစ်ပြီး အရေးပါတဲ့ သွင်းဂိုးအများအပြားကို သွင်းယူပေးနေသူဖြစ်ပါတယ်။ ဒါပေမယ့် ဂရစ်မန်းကတော့ သူ့ရဲ့ စိတ်ပျက်လက်ဖြစ်နေမှုကို ဖုံးဖိမထားနိုင်အောင်ဖြစ်နေပြီး လက်ရွေးစင်ကစားသမားဘ၀ကိုပါ စွန့်လွှတ်သွားဖွယ် ရှိနေခဲ့ပါပြီ။