စပိန်ကလပ်စပို့တင်းဂီဂျွန်အသင်းက ယူကရိန်းနောက်ခံလူဗာဆိုင်းကရာဗက်စ်ဟာ သူ့ရဲ့ကစားသမားဘ၀ကို ရပ်တန့်ပြီး ယူကရိန်းအတွက် စစ်ပွဲမှာ ဝင်ရောက်တိုက်ခိုက်ပေးဖို့အသင့်ရှိကြောင်းပြောဆိုလိုက်ပါတယ်။ ရုရှားရဲ့ ကျူးကျော်တိုက်ခိုက်မှုကို ယူကရိန်းက တွန်းလှန်နေရချိန်မှာ သေနတ်တောင်မပစ်ဖူးတဲ့ ကရာဗက်စ်က တိုင်းပြည်အတွက် ဝင်ရောက်ကာကွယ်ပေးဖို့ ဆန္ဒရှိနေတာလည်းဖြစ်ပါတယ်။
"အမှန်တရားကို ကျနော်ပြောရမယ်ဆိုရင် ကျနော် စစ်ပွဲထဲသွားပြီးတော့ ကူညီချင်တယ်၊ ဒါပေမယ့် ကျနော်မကူညီနိုင်ဘူးဖြစ်နေတယ်၊ ဘာလို့လဲဆိုတော့ သေနတ်ဘယ်လိုပစ်ရမလဲ ကျနော်မသိဘူး၊ ဘယ်လိုရွေ့လျားရမလဲ၊ ပြီးတော့ သေနတ်ကို ဘယ်လိုပြန်ပြီး ပြင်ဆင်ရမလဲဆိုတာတွေကို ကျနော်မသိဘူး၊ ဒါပေမယ့် အမှန်တရားကတော့ ကျနော်သွားကူညီချင်တယ်ဆိုတာပဲ"
"တကယ်လို့ ကျနော်သွားနိုင်ခဲ့မယ်ဆိုရင် တိုင်းပြည်ကို ကာကွယ်နိုင်မှာပါ၊ ဒါက ယူကရိန်းသားအားလုံးရင်ထဲမှာရှိတဲ့ ဆန္ဒပါ၊ တိုင်းပြည်ကိုကာကွယ်ဖို့ လူတိုင်းကိုလိုအပ်လာပြီဆိုရင်တော့ ကျနော်သွားမှာပါ၊ ဒါကို အသင်းကိုလည်းကျနော်ပြောပြီးပါပြီ" လို့ ပြောဆိုခဲ့ကြောင်း သိရပါတယ်။