မြို့ပြရဲ့ ရင်ခုန်သံ 

မလေးရှားရဲ့ မြို့ပြတွေဟာ ရိုးရာနဲ့ ခေတ်မီမှုကြားမှာ ဟန်ချက်ညီညီ တည်ရှိနေကြတာပါ။

ကွာလာလမ်ပူ (Kuala Lumpur) - မလေးရှားရဲ့ အသည်းနှလုံးပါ။ Petronas Twin Towers (ညီနောင်မျှော်စင်) ကို အနီးကပ်ကြည့်ပြီး ဓာတ်ပုံရိုက်ရတာဟာ မလေးရှားရောက်ကြောင်း အမှတ်တရတစ်ခုပါပဲ။ KL Tower ပေါ်ကနေ မြို့အလှကို ကြည့်မလား၊ Batu Caves ရဲ့ ထုံးကျောက်ဂူတွေနဲ့ ရောင်စုံလှေကားထစ်တွေမှာ ဘာသာရေးအငွေ့အအုံကို ခံစားမလား၊ ရွေးချယ်စရာတွေ အများကြီးပါ။

ပီနန်း (Penang - George Town) - ယူနက်စကိုက အသိအမှတ်ပြုထားတဲ့ အမွေအနှစ်မြို့တော်ပါ။ ဒီမှာဆိုရင် မြို့ဟောင်းထဲက နံရံဆေးရေးပန်းချီတွေကို ရှာဖွေရတာက ခရီးသွားတွေရဲ့ အကြိုက်ဆုံး အလုပ်တစ်ခုပေါ့။ စက်ဘီးလေးငှားပြီး မြို့ပတ်ရတာက တကယ့်ကို အေးချမ်းပါတယ်။

မလက္ကာ (Melaka) - ပေါ်တူဂီ၊ ဒတ်ခ်ျ နဲ့ အင်္ဂလိပ် ကိုလိုနီလက်ရာတွေ ကျန်ရှိနေတဲ့ သမိုင်းဝင်မြို့လေးပါ။ ညဘက်မှာ Jonker Street ညဈေးတန်းကို လမ်းလျှောက်ရင်း ရှေးဟောင်းပစ္စည်းတွေနဲ့ ဒေသစာတွေကို မြည်းစမ်းကြည့်ဖို့ ညွှန်းလိုက်ပါရစေ။

"မြို့ပြရဲ့ ခေတ်မီဆန်းပြားမှုနဲ့ ရှေးဟောင်းအမွေအနှစ်တွေကို တစ်ပြိုင်တည်း ခံစားချင်သူတွေအတွက် မလေးရှားက အသင့်တော်ဆုံးပါပဲ။ အထူးသဖြင့် ပီနန်နဲ့ မလက္ကာမြို့တွေရဲ့ အလှတရားက သမိုင်းထဲ ရောက်သွားသလို ခံစားရစေမှာပါ" လို့ Flymya ရဲ့ ခရီးသွားအတိုင်ပင်ခံ မဝင်းအိအိခိုင်က ဆိုပါတယ်။

မလေးရှားခရီးစဉ်တွေအတွက် Flymya မှာ Tour Package တွေကို စုံစမ်းနိုင်ပါပြီ။ 

ကျွန်းစုအလှရတနာ 

လန်ကာဝီ (Langkawi) - "အန်ဒမန်ပင်လယ်ရဲ့ ကျောက်မျက်ရတနာ" လို့ ခေါ်ကြပါတယ်။ "လန်ကာဝီကောကင်းကင်တံတား" ဆိုတဲ့ ကမ္ဘာ့အရှည်ဆုံး ကွေးညွတ်နေတဲ့ တံတားပေါ်ကနေ ပင်လယ်ပြင်ကြီးကို ကြည့်ရတာက ရင်ခုန်စရာပါ။ ဒီကျွန်းဟာ အခွန်လွတ်နယ်မြေ ဖြစ်တာကြောင့် ချောကလက်နဲ့ အိမ်သုံးပစ္စည်းတွေ ဝယ်ချင်သူတွေအတွက် သုခဘုံပါပဲ။

Perhentian Islands - ရေကြည်ကြည်၊ သဲဖြူဖြူကိုမှ ကြိုက်တယ်ဆိုရင်တော့ ဒီကျွန်းက အကောင်းဆုံးပါ။ ရေအောက်က သန္တာကျောက်တန်းတွေနဲ့ ငါးရောင်စုံလေးတွေကို snorkeling လုပ်ရင်း အနီးကပ် မြင်တွေ့နိုင်ပါတယ်။

ကိုတာကင်နာဘာလူးမြို့ (Kota Kinabalu) - ဒီမြို့ကတော့ သဘာဝတရားကို မြတ်နိုးသူတွေအတွက်ပါ။ အရှေ့မလေးရှား (Sabah) မှာရှိပြီး ကမ္ဘာကျော် ကင်နာဘာလူးတောင်ကို တက်ရောက်နိုင်သလို ပင်လယ်အလှကိုလည်း တစ်ပြိုင်တည်း ခံစားနိုင်ပါတယ်။

မဝင်းအိအိခိုင်ရဲ့ မှတ်ချက် - "သဘာဝဆန်ဆန်ကမ်းခြေတွေနဲ့ ရေအောက်ကမ္ဘာကို စူးစမ်းချင်သူတွေအတွက် မလေးရှားကျွန်းစုတွေက အိပ်မက်ဆန်လွန်းပါတယ်။ အထူးသဖြင့် လန်ကာဝီရဲ့ နေဝင်ချိန်အလှက ဘယ်အရာနဲ့မှ မလဲနိုင်တဲ့ ခံစားမှုမျိုးပါ" 

အပန်းဖြေခရီးစဉ်တွေအတွက် Flymya မှာ အခုပဲ စုံစမ်းလိုက်ပါ။

မလေးရှားကို ပထမဆုံးအကြိမ်ပဲဖြစ်ဖြစ်၊ နောက်တစ်ခေါက်ပဲဖြစ်ဖြစ် သွားဖို့ရှိတယ်ဆိုရင်တော့ ခရီးစဉ်မှာ ဒါတွေမပါရင် မပြည့်စုံဘူးလို့ ပြောရလောက်မယ့် အတွေ့အကြုံတွေကို စုစည်းပေးလိုက်ပါတယ်နော်။

မလေးရှားကို ပထမဆုံးအကြိမ်ပဲဖြစ်ဖြစ်၊ နောက်တစ်ခေါက်ပဲဖြစ်ဖြစ် သွားဖို့ရှိတယ်ဆိုရင်တော့ ခရီးစဉ်မှာ ဒါတွေမပါရင် မပြည့်စုံဘူးလို့ ပြောရလောက်မယ့် အတွေ့အကြုံတွေကို စုစည်းပေးလိုက်ပါတယ်နော်။

လျှာဖျားမှာ စွဲကျန်မယ့် လမ်းဘေးအစားအစာများ 

မလေးရှားကိုသွားပြီး အစားအသောက်တွေကို မမြည်းစမ်းခဲ့ရင် ခရီးက မပြည့်စုံသေးဘူးနော်။ 

မလေးရှား အုန်းထမင်း (Nasi Lemak) - အုန်းနို့နဲ့ချက်ထားတဲ့ ထမင်းမွှေးမွှေးကို ငရုတ်သီးဆော့စ်၊ ကြက်သားကြော်၊ မြေပဲ နဲ့ ငါးခြောက်ကြော်တို့နဲ့ တွဲစားရတာဖြစ်ပြီး မနက်စာအဖြစ် အမြဲစားလေ့ရှိကြပါတယ်။

မလေးရှား ဆန်ပြားကြော် (Char Kway Teow) - ပီနန်ရဲ့ အကောင်းဆုံးလက်ရာ ဟင်းပွဲဖြစ်တဲ့ ဒီဟင်းလျာမှာတော့ ပုစွန်၊ ပဲပင်ပေါက်၊ ကြက်ဥတို့နဲ့ မီးရှိန်ပြင်းပြင်းမှာ ကြော်ထားတဲ့ ဆန်ပြားကြော်က တစ်ပွဲစားပြီးရင် နောက်တစ်ပွဲ ထပ်မှာမိစေမှာပါ။

ဆာတေး (Satay) - အမဲသား၊ ကြက်သား၊ ဆိတ်သားကို တုတ်ထိုးပြီး ကင်ထားတာပါ။ မြေပဲဆော့စ်အချိုလေးနဲ့ တွဲဖက်လိုက်ရင် တကယ့်ကို ရှယ်ပါပဲ။ 

မလေးရှား လက်ဖက်ရည် (Teh Tarik) - မလေးရှားစတိုင် လက်ဖက်ရည်ကတော့ လူသိများပြီး အမြှုပ်လေးတွေနဲ့ အရသာက တော်တော်လေး ဆွဲဆောင်မှု

ရှိပါတယ်။

"မလေးရှားရဲ့ လမ်းဘေးစာတွေက ကမ္ဘာကျော်ပါတယ်။ ယဉ်ကျေးမှုပေါင်းစုံကနေ ဆင်းသက်လာတဲ့ အရသာတွေမို့ မြန်မာခရီးသွားတွေရဲ့ အကြိုက်နဲ့လည်း တော်တော်လေး ကိုက်ညီပါတယ်" လို့ မဝင်းအိအိခိုင်က ထပ်ဆင့်ပြောကြားပါတယ်။

နိုင်ငံခြားခရီးစဉ်အတွက် ဗီဇာဝန်ဆောင်မှုနဲ့ ခရီးသွားအာမခံကို တစ်နေရာတည်းမှာတင် အလွယ်တကူ ဆောင်ရွက်ပေးနေတဲ့ Flymya 

တောင်ပေါ်အပန်းဖြေစခန်းများ 

မလေးရှားရဲ့ အပူဒဏ်ကနေ ခဏလောက် ဝေးရာကို ပြေးချင်ရင်တော့ 

Genting Highlands - တိမ်တွေကြားက အပန်းဖြေမြို့တော်မှာဆိုရင် Theme Park တွေ၊ ဈေးဝယ်စင်တာတွေနဲ့ ကာစီနိုတွေ ရှိပါတယ်။ ကေဘယ်ကား (Awana Skyway) စီးပြီး တက်ရတာကလည်း စိတ်လှုပ်ရှားစရာပါ။

ကင်မရွန်းတောင် (Cameron Highlands) - လက်ဖက်ခင်းကြီးတွေနဲ့ စတော်ဘယ်ရီခြံတွေ ရှိတဲ့နေရာပါ။ ဒီမှာဆိုရင် လတ်လတ်ဆတ်ဆတ် ခူးထားတဲ့ စတော်ဘယ်ရီတွေကို မြည်းစမ်းရင်း လက်ဖက်ရည်ကြမ်းကို အေးအေးလူလူ သောက်နိုင်ပါတယ်။ ရာသီဥတုကတော့ တစ်နှစ်ပတ်လုံး အေးစိမ့်နေတာမို့ အနွေးထည်လေးတော့ ဆောင်သွားဖို့ လိုမယ်နော်။

တောင်ပေါ်ခရီးစဉ်တွေအတွက် လည်ပတ်ဖို့ လိုအပ်တဲ့ ကားစင်းလုံးငှားနဲ့ ခရီးသွားအာမခံကို Flymya မှာ ရရှိနိုင်ပါပြီ

ယဉ်ကျေးမှုနဲ့ ဘာသာရေး အလှအပ 

မလေးရှားဟာ ဘာသာစုံ၊ လူမျိုးစုံ ချစ်ကြည်စွာ နေထိုင်ကြတဲ့ နိုင်ငံပါ။

Blue Mosque (Shah Alam) - မလေးရှားရဲ့ အလှဆုံး ဗလီတွေထဲက တစ်ခုပါ။ အပြာရောင် အမိုးခုံးကြီးတွေနဲ့ ဗိသုကာလက်ရာက တကယ့်ကို ထူးခြားပါတယ်။

Kek Lok Si Temple - ပီနန်မှာရှိတဲ့ အရှေ့တောင်အာရှရဲ့ အကြီးဆုံး ဗုဒ္ဓဘာသာ ဘုရားကျောင်းကြီးပါ။ တရုတ်၊ ထိုင်း နဲ့ မြန်မာ ဗိသုကာလက်ရာတွေ ပေါင်းစပ်ထားတာကို မြင်တွေ့ရမှာပါ။

ခရီးသွားဖို့ အကြံပြုချက် (Travel Tips)

သယ်ယူပို့ဆောင်ရေး - မြို့တွင်းသွားလာဖို့ Grab ကို အသုံးပြုတာက ဈေးအသက်သာဆုံးနဲ့ အဆင်အပြေဆုံးပါ။

ဘာသာစကား - မလေးစကားက အဓိကဆိုပေမဲ့ လူအများစုက အင်္ဂလိပ်စကားကို ကောင်းကောင်း နားလည်ကြတာမို့ ဆက်သွယ်ရတာ လွယ်ကူပါတယ်။

ဝတ်စားဆင်ယင်မှု - ဘုရားကျောင်းတွေ ဒါမှမဟုတ် ဗလီတွေကို သွားမယ်ဆိုရင်တော့ လုံလုံခြုံခြုံ ဝတ်ဆင်သွားဖို့ သတိပြုစေချင်ပါတယ်။

"ယဉ်ကျေးမှုပေါင်းစုံ ရောယှက်နေတဲ့ ဗိသုကာလက်ရာတွေကို လေ့လာရတာဟာ မလေးရှားခရီးစဉ်ရဲ့ ထူးခြားတဲ့ အတွေ့အကြုံတစ်ခုပါ။ ဘုရားကျောင်းတွေရဲ့ ခမ်းနားမှုက ရင်သပ်ရှုမောစေမှာ အမှန်ပါပဲ" လို့ မဝင်းအိအိခိုင်က မှတ်ချက်ပေးထားပါတယ်။

မလေးရှားခရီးစဉ်အတွက် လေယာဉ်လက်မှတ်ကို Flymya မှာ အခုပဲ အလွယ်တကူ ဝယ်ယူလိုက်ပါ

မလေးရှားဟာ သဘာဝအလှအပကို မြတ်နိုးသူတွေ၊ မြို့ပြရဲ့ ခေတ်မီမှုကို ခံစားချင်သူတွေနဲ့ အစားအသောက် ဝါသနာပါသူတွေ အားလုံးအတွက် ပြည့်စုံတဲ့ နေရာတစ်ခုပါ။ ဒီအချက်တွေအတိုင်းသာ လည်ပတ်မယ်ဆိုရင် မိတ်ဆွေခရီးစဉ်ဟာ ဘယ်တော့မှ မေ့ပျောက်နိုင်မှာမဟုတ်တဲ့ အမှတ်တရကောင်းတွေ ဖြစ်နေမှာ အသေအချာပါပဲ။ 

ယခု ခရီးသွားဆောင်းပါးကို Duwun နှင့် Flymya မှ ပူးပေါင်းတင်ဆက်ပါသည်။