အယ်လ်နာဆာနဲ့ ပေါ်တူဂီလက်ရွေးစင် အသင်းတို့ရဲ့ တိုက်စစ်မှူး ရော်နယ်ဒိုဟာ သူရရှိထားတဲ့ ဘလွန်းဒီအော်တစ်လုံးကို ပရဟိတအဖွဲ့အစည်းတစ်ခုထံ လှူဒါန်းဖို့အတွက် ရောင်းချခဲ့ပြီးဖြစ်ပါတယ်။ ရော်နယ်ဒိုဟာ ကစားသမားဘဝမှာ ဘလွန်းဒီအော် (၅) လုံးအထိ ဆွတ်ခူးရရှိထားတဲ့ ကစားသမားပါ။
အဲ့ဒီနောက်မှာတော့ အိုဖာက အဆိုပါ ဘလွန်းဒီအော်ဆုနဲ့အတူ ဂျော့ချ်မန်ဒက်စ်နဲ့ ဓာတ်ပုံတွဲရိုက်ခဲ့ပါသေးတယ်။ ဂျော့ချ်မန်ဒက်စ်ဟာ ရော်နယ်ဒိုရဲ့ အေးဂျင့်ဟောင်းတစ်ယောက်ဖြစ်ပြီး ယူနိုက်တက်ကို တစ်ကျော့ပြန် ရောက်ရှိလာတဲ့အထိ ရော်နယ်ဒိုရဲ့ အေးဂျင့်အဖြစ် ဆောင်ရွက်ခဲ့သူတစ်ယောက်လည်း ဖြစ်ပါတယ်။
ဒီမတိုင်ခင်ကလည်း ရီးရဲလ်မက်ဒရစ်ဂန္တဝင်ကြီး ဒီစတီဖာနိုဟာ သူရရှိခဲ့တဲ့ ဘလွန်းဒီအော်ဆုတွေကို ရောင်းချခဲ့ဖူးပါသေးတယ်။ ပထမအကြိမ်မှာတော့ ပေါင် (၆၀,၈၀၀) ၊ ဒုတိယအကြိမ်မှာတော့ ပေါင် (၅၄,၄၀၀) နဲ့ ရောင်းချခဲ့ဖူးတာဖြစ်ကြောင်း သတင်းတွေက ဖော်ပြထားပါတယ်။