ဒါပေမယ့် သူက ကလပ်နဲ့ နိုင်ငံပွဲ (၂၃) ပွဲမှာ ဂိုးပေါက်ပျောက်ခဲ့တဲ့နောက် ဘရာဇီးလက်ရွေးစင်နည်းပြ ထိထီရဲ့ အပြီးသတ်လူစာရင်းကနေ ချန်လှပ်ခံခဲ့ရတာက အထူးအဆန်းတော့ မဟုတ်ပါဘူး။ လက်ရှိ ဘရာဇီးရဲ့ တိုက်စစ်ပိုင်းမှာတင် မာတီနယ်လီ၊ နေမာ၊ ရစ်ချာလီဆန်၊ ဗီနီရှပ်စ်၊ ဂျီးဆပ်စ်၊ ရိုဒရီဂိုတို့လို ကစားသမားတွေကို ရွေးချယ်ထားပါတယ်။

ကမ္ဘာ့ဖလားလူစာရင်းမှာ မပါဝင်ခဲ့တဲ့နောက် ကန်ဟာက “ကျနော့်ကို မက်ဆေ့ချ်ပို့ အားပေးခဲ့တဲ့သူတိုင်းကို ကျေးဇူးတင်ပါတယ်။ ဒါက ခက်ခဲပြီး နာကျင်ရပါတယ်။ ဒါပေမယ့် ဒါကလည်း ဘောလုံးလောကရဲ့ အစိတ်အပိုင်းပါပဲ။ ကျနော်တို့ လက်ရွေးစင်အသင်းက တကယ်ကောင်းမွန်ပြီး ကမ္ဘာ့ဖလားပြိုင်ပွဲကလည်း ကြီးကျယ်ခမ်းနားပါတယ်။ ခင်ဗျားတို့ အားလုံးကို ကျနော့်နှလုံးသားရဲ့ နက်ရှိုင်းတဲ့နေရာကနေ ကျေးဇူးတင်ပြီး ကျနော်တို့ အတူတူ ဘရာဇီးကို အားပေးကြပါမယ်” လို့ ပြောကြားခဲ့ပါတယ်။

ဒါ့အပြင် ကန်ဟာ အခုလိုမျိုး ဘရာဇီးမှာ အရွေးချယ်မခံရတဲ့အပေါ် အက်သလက်တီကိုနည်းပြ ဆီမြွန်နီရဲ့ ကစားဟန်ကိုလည်း ပြစ်တင်ဝေဖန်နေကြပြီး ဆီမြွန်နီရဲ့ ကစားပုံက ကစားသမားတွေရဲ့ အနာဂတ်ကို ဒုက္ခပေးနေကြောင်း၊ သူ့ရဲ့ နည်းစနစ်မှာ ယာအိုဖီးလစ်လည်း မတောက်ပနိုင်ကြောင်း ထောက်ပြဝေဖန်လျက်ရှိပါတယ်။