အဆုတ်ရောင်ရောဂါ ဗိုင်းရပ်စ်အသစ် စတင်တွေ့ရှိရာ ဝူဟန်မြို့မှ အမျိုးသမီးတစ်ဦးဟာ ဗိုင်းရပ်စ်ကူးစက်ခံထားရပေမဲ့ လက္ခဏာမပြခဲ့ဘဲ သူမထံမှ ဆွေမျိုးငါးဦးသို့ ဗိုင်းရပ်စ်ကူးစက်သွားခဲ့ကြောင်း သိရပါတယ်။

(Photo: AFP)

ဝူဟန်မြို့မှ အသက် ၂၀ နှစ်အရွယ် အမျိုးသမီးဟာ မြောက်ဘက် ၄၁၉ မိုင်ကွာဝေးတဲ့ အန်ယန်းမြို့သို့ သွားရောက်ခဲ့ပြီးနောက် ထိုမြို့ရှိ သူမရဲ့ဆွေမျိုးငါးဦးကို ဗိုင်းရပ်စ်ကူးစက်စေခဲ့ကြောင်း တရုတ်သိပ္ပံပညာရှင်တွေက ဖေဖေါ်ဝါရီ ၂၁ ရက်နေ့မှာ ပြောပါတယ်။ အဆိုပါ အမျိုးသမီးဟာ COVID-19 ဗိုင်းရပ်စ်ကူးစက်ခံထားရပေမဲ့ လက္ခဏာတစ်စုံတစ်ရာ မပြခဲ့ပါဘူး။

ထိုအခြေအနေအရ ယခုဗိုင်းရပ်စ်ဟာ ရောဂါလက္ခဏာမပြတဲ့ ကူးစက်ခံထားရသူတွေထံမှ အခြားသူများထံသို့ ကူးစက်ပျံ့နှံ့နိုင်ကြောင်း အထောက်အထားအသစ်လည်း ဖြစ်လာခဲ့တယ်လို့ Reuters သတင်းမှာ ဖော်ပြပါတယ်။ COVID-19 ဗိုင်းရပ်စ် မည်သို့ကူးစက်ပျံ့နှံ့ကြောင်းနဲ့ မည်သည့်အတွက် ကူးစက်ပျံ့နှံ့မှုကို ရပ်တန့်ရပ်ခက်ခဲဖွယ်ရှိကြောင်း လေ့လာမှုကို Journal of the American Medical Association မှာ ဖော်ပြခဲ့ပါတယ်။

(Photo: AFP)

ဗိုင်းရပ်စ်ကြောင့် သေဆုံးသူအရေအတွက် ၂,၃၅၉ ဦးရှိလာပါတယ်

ယမန်နှစ် ဒီဇင်ဘာလကုန်က တရုတ်အလယ်ပိုင်း ဝူဟန်မြို့မှာ စတင်တွေ့ရှိရတဲ့ COVID-19 ဗိုင်းရပ်စ်ကြောင့် ယနေ့ (ဖေဖေါ်ဝါရီ ၂၂ ရက်) နေ့လယ်ပိုင်းအထိ တရုတ်ပြည်မကြီးမှာ လူ ၂,၃၄၅ ဦး၊ အီရန်မှာ ၄ ဦး၊ Diamond Princess အပျော်စီးသင်္ဘောပေါ်မှာ ၂ ဦး၊ ဟောင်ကောင်မှာ ၂ ဦး၊ ၊ တောင်ကိုရီးယား ၂ ဦး၊ ထိုင်ဝမ်၊ ဂျပန်၊ ဖိလစ်ပိုင်နဲ့ ပြင်သစ်တို့မှာ တစ်ဦးစီ သေဆုံးခဲ့ပြီး စုစုပေါင်း သေဆုံးသူအရေအတွက် ၂,၃၅၉ ဦးရှိလာပါတယ်။

(Photo: Jung Yeon-Je/AFP) 

ဖေဖေါ်ဝါရီ ၂၂ ရက် နေ့လယ်ပိုင်းအထိ တရုတ်ပြည်မကြီးမှာ ၇၆,၀၈၂ ဦး အပါအဝင် ကမ္ဘာတစ်ဝှမ်း ဗိုင်းရပ်စ်ကူးစက်ခံရသူ ၇၇,၅၇၇ ဦးအထိရှိလာပြီး ၂၀,၉၇၆ ဦး ပြန်လည်သက်သာလာခဲ့ပါတယ်။ ထူးခြားမှုအဖြစ် တောင်ကိုရီးယားနိုင်ငံမှာ COVID-19 ဗိုင်းရပ်စ်ကူးစက်ခံရသူ တစ်ရက်ထက်တစ်ရက် သိသာစွာ မြင့်တက်လာမှုနဲ့ အီရန်မှာ နှစ်ရက်အတွင်း လူ ၁၈ ဦးမှာ ကူးစက်မှုတွေ့ရှိရပြီး ၄ ဦး သေဆုံးခဲ့တာ ဖြစ်ပါတယ်။

COVID-19 အဆုတ်ရောင်ရောဂါ ဗိုင်းရပ်စ်အသစ် ကူးစက်ပျံ့နှံ့နေမှုကို ကမ္ဘာလုံးဆိုင်ရာ အများပြည်သူ ကျန်းမာရေး အရေးပေါ်အခြေအနေအဖြစ် ကမ္ဘာ့ကျန်းမာရေးအဖွဲ့အစည်း (World Health Organization - WHO) က ဇန်နဝါရီ ၃၀ ရက်နေ့မှာ သတ်မှတ်ကြေညာထားပြီး ကမ္ဘာတစ်ဝှမ်း နိုင်ငံအသီးသီးက ဗိုင်းရပ်စ်နဲ့ပတ်သက်ပြီး စိုးရိမ်ပူပန်မှုများရှိနေပါတယ်။

ကျွန

်တော်တို့ ကောင်းကောင်း လုပ်ဆောင်ကြမယ်ဆိုရင် အပြင်းအထန် ကပ်ဆိုက်မှုကို ရှောင်လွှဲနိုင်ပါတယ်

(Photo: AFP)

ထိုအတောအတွင်း WHO အကြီးအကဲ Tedros Adhanom Ghebreyesus က နိုင်ငံတကာသို့ COVID-19 ဗိုင်းရပ်စ်ကူးစက်ပျံ့နှံ့မှုကို ထိန်းချုပ်ရန်အခွင့်အရေး နည်းပါးလာနေပြီဖြစ်ကြောင်းနဲ့ ထိန်းချုပ်ရေးကို အလျင်အမြန် လုပ်ဆောင်ရန်လိုအပ်ကြောင်း သတိပေးခဲ့တယ်လို့ သိရပါတယ်။