ဗီဇာ (visa) ဆိုတာ ဘယ်က စခဲ့တာလဲ?

"visa" ဆိုတဲ့ စကားလုံးဟာ လက်တင်ဘာသာစကား Charta Visa (ကြည့်ရှုစစ်ဆေးပြီးသောစာရွက်) ဆိုတဲ့ စကားလုံးကနေ ဆင်းသက်လာတာ ဖြစ်ပါတယ်။ သမိုင်းမှတ်တမ်းတွေအရ ကမ္ဘာပေါ်မှာ လူတစ်ဦး တစ်နိုင်ငံကနေ တစ်နိုင်ငံကို ကူးသန်းသွားလာဖို့အတွက် "ခွင့်ပြုချက်စာချွန်လွှာ" ထုတ်ပေးခဲ့တဲ့ ပထမဆုံး အထောက်အထားကို ဘီစီ ၄၅၀ ဝန်းကျင် (လွန်ခဲ့တဲ့ နှစ်ပေါင်း ၂,၅၀၀ ခန့်) က ပါရှန်းအင်ပါယာ (ရှေးခေတ် အီရန်နိုင်ငံ) မှာ စတင်တွေ့ရှိခဲ့ရပါတယ်။

ဒါပေမဲ့ ယနေ့ခေတ် ကျွန်တော်တို့ မြင်တွေ့နေရတဲ့ စာအုပ်ထဲမှာ တံဆိပ်တုံးထုတဲ့ သို့မဟုတ် စတစ်ကာကပ်တဲ့ "ခေတ်သစ် ဗီဇာစနစ်" ကိုတော့ ပထမကမ္ဘာစစ်အပြီး (၁၉၁၄ ခုနှစ်နောက်ပိုင်း) မှာမှ ဥရောပနိုင်ငံတွေကနေ စတင်ပြီး စနစ်တကျ ပြဋ္ဌာန်းခဲ့တာ ဖြစ်ပါတယ်။ ထိုခေတ်က စစ်ပွဲတွေကြောင့် နိုင်ငံအချင်းချင်း လုံခြုံရေးအရ စိုးရိမ်ရတဲ့အတွက် ပြည်ပက လာမဲ့သူတွေကို စိစစ်ဖို့ ဗီဇာစနစ်ကို စတင်ကျင့်သုံးခဲ့ရာကနေ ယနေ့အထိ ကမ္ဘာတစ်ဝှမ်းလုံးရဲ့ သွားလာမှုဆိုင်ရာ စံနှုန်းတစ်ခု ဖြစ်လာခဲ့ပါတယ်။

ဗီဇာလျှောက်တဲ့အခါ အငြင်းပယ် (Reject) မခံရစေဖို့ သတိထားရမဲ့ အဓိက (၄) ချက်

၁။ နိုင်ငံကူးလက်မှတ် (Passport) သက်တမ်း အနည်းဆုံး ၆ လ ကျန်ရှိနေရမယ်

ဒါက အခြေခံအကျဆုံးဖြစ်ပြီး လူအများစု သတိမမူမိဘဲ မှားတတ်ကြတဲ့အချက်ပါ။ သင့်ရဲ့ Passport သက်တမ်းဟာ သွားမဲ့ရက်ကနေစတွက်ရင် အနည်းဆုံး သက်တမ်း ၆ လကျန်နေရမှာဖြစ်သလို၊ ဗီဇာစတစ်ကာကပ်ဖို့အတွက် အနည်းဆုံး စာမျက်နှာလွတ် (၂) ခု ကျန်နေဖို့ လိုအပ်ပါတယ်။

၂။ ဘဏ်စာရင်းပြသမှု (Financial Proof) ခိုင်မာရမယ်

သံရုံးတွေ ဗီဇာပေးဖို့ ဆုံးဖြတ်တဲ့နေရာမှာ ဒီအချက်က အဓိကကျပါတယ်။ သင့်အနေနဲ့ အဲဒီနိုင်ငံကို သွားရောက်လည်ပတ်နေစဉ်အတွင်း အမှန်တကယ် သုံးစွဲနိုင်မဲ့ ငွေကြေးပမာဏ ရှိ၊ မရှိကို စစ်ဆေးတာ ဖြစ်ပါတယ်။ တစ်ချက်သတိထားရမှာက ဗီဇာလျှောက်ခါနီးမှ ဘဏ်အကောင့်ထဲကို ငွေအလုံးအရင်း ချက်ချင်းထည့်ပြတာမျိုး (Sudden Large Deposits) ကို သံရုံးတွေက သံသယဝင်တတ်လို့ မိမိရဲ့ ဘဏ်အကောင့်ကို ပုံမှန်ငွေအဝင်အထွက်ရှိအောင် အနည်းဆုံး ၃ လမှ ၆ လအပြီး ကြိုတင်ပြင်ဆင်ထားသင့်ပါတယ်။

၃။ တိကျသေချာတဲ့ ခရီးစဉ်အစီအစဉ် (Travel Itinerary) ပြသနိုင်ရမယ်

"ကျွန်တော်ကတော့ အဲဒီနိုင်ငံကို သွားပြီး လျှောက်လည်မှာပါ" ဆိုတဲ့ စကားထက် ပိုတဲ့ အထောက်အထား လိုပါတယ်။ ကိုယ်သွားမဲ့ရက်အလိုက် ဘယ်ဟိုတယ်မှာ တည်းမယ်၊ ဘယ်နေရာတွေကို သွားမယ်ဆိုတဲ့ ခရီးစဉ် Route လေးကို သေချာစာရွက်နဲ့ ချပြနိုင်ခြင်းက သံရုံးရဲ့ ယုံကြည်မှုကို ပိုမိုရရှိစေပါတယ်။ (အသွားအပြန် လေယာဉ်လက်မှတ် Booking နဲ့ ဟိုတယ် Booking တွေက မဖြစ်မနေ တွဲပြရမဲ့အရာတွေပါ)

၄။ မိခင်နိုင်ငံသို့ ပြန်လည်ရောက်ရှိမဲ့ အထောက်အထား (Strong Ties to Home Country)

ဗီဇာအရာရှိတွေဟာ "ဒီလူ ခရီးသွားပြီးရင် ကိုယ့်နိုင်ငံကို ပြန်လာပါ့မလား" ဆိုတာကို အမြဲတမ်း စိုးရိမ်လေ့ရှိပါတယ်။ ဒါကြောင့် ကိုယ့်မှာ မိခင်နိုင်ငံမှာ ခိုင်မာတဲ့ အလုပ်အကိုင်ရှိကြောင်း (Employment Letter)၊ ပိုင်ဆိုင်မှုရှိကြောင်း သို့မဟုတ် ကျောင်းတက်နေဆဲဖြစ်ကြောင်း ထောက်ခံစာတွေကို ပူးတွဲပြသခြင်းက ဗီဇာရရှိဖို့ ရာခိုင်နှုန်း အများကြီး ပိုများစေပါတယ်။

ဗီဇာလျှောက်တဲ့ လုပ်ငန်းစဉ်တွေကို အခက်အခဲမရှိ အဆင်ပြေအောင် ဘယ်လိုလုပ်မလဲ?

ဗီဇာလျှောက်ရတာဟာ စာရွက်စာတမ်းတွေ တကူးတက ပြင်ဆင်ရသလို၊ သံရုံး Appointment ယူရတာတွေပါ ရှုပ်ထွေးလှတဲ့အတွက် ကိုယ်တိုင်လုပ်ရင် အချိန်ကုန်ပြီး အမှားအယွင်း ဖြစ်တတ်ပါတယ်။

ဒီလို ခေါင်းရှုပ်ခံစရာ ကိစ္စရပ်အားလုံးကို ခရီးသွားပြည်သူတွေ စိတ်အေးချမ်းသာရှိစေဖို့ ခရီးသွားလုပ်ငန်းရဲ့ One-Stop Travel အဖော်မွန်ဖြစ်တဲ့ Flymya ကနေပြီးတော့ ထိုင်း၊ ဂျပန်၊ ကိုရီးယား၊ စင်ကာပူ အစရှိတဲ့ ပြည်ပနိုင်ငံအသီးသီးအတွက် ဗီဇာဝန်ဆောင်မှု (visa Services) ကို ကျွမ်းကျင်စွာ အစအဆုံး တာဝန်ယူ ဆောင်ရွက်ပေးနေပါတယ်။ ကိုယ်တိုင် သံရုံးမှာ တန်းစီစရာမလိုဘဲ စာရွက်စာတမ်း ပြင်ဆင်မှုကအစ Flymya ရဲ့ ဗီဇာကျွမ်းကျင်ပညာရှင်တွေက ကူညီဆောင်ရွက်ပေးမှာမို့လို့ ခရီးစဉ်တိုင်းအတွက် စိတ်အေးချမ်းစွာနဲ့ သွားလာရုံပါပဲ။

ခရီးသွားဖို့ စိတ်ကူးရှိပြီး ဗီဇာကိစ္စတွေကို စိတ်ချလက်ချ အပ်နှံချင်တယ်ဆိုရင်တော့ Flymya မှာ အခုပဲ ဆက်သွယ်စုံစမ်းမေးမြန်းနိုင်ပါတယ်။

ယခု ခရီးသွားဆောင်းပါးကို Duwun နှင့် Flymya မှ ပူးပေါင်းတင်ဆက်ပါသည်။