ဒီကနေ့ သေဆုံးသူ လူနာနံပါတ် ၁၁၀ ကတော့ တောင်ဥက္ကလာပအထူးကုဆေးရုံကြီးမှာ အထူးကြပ် မတ်ကုသမှုခံယူနေရသူဖြစ်ပြီး သွေးတိုးနဲ့ အမျိုးအစား(၂)ဆီး ချို ရောဂါအခံရှိသူ အသက် ၆၃နှစ်အရွယ် အမျိုးသားဖြစ်ပါတယ်။

လူနာမှာ သွေးတိုးနဲ့ အမျိုးအစား(၂)ဆီးချိုအခံရှိပြီး သေဆုံးရတဲ့အကြောင်းရင်းကတော့ ပြင်းထန်အဆုတ်ရောင် ရောဂါကြောင့် ရုတ်တရက်အသက်ရှုလမ်းကြောင်းပျက်စီးခြင်း၊အသက်ရှုလမ်းကြောင်းအတွင်း ဘတ်တီးရီးယားပိုး ဝင်ရောက်ခြင်းနှင့် ရုတ်တရက် ကျောက်ကပ်ပျက်စီးခြင်းတို့ကြောင့် ဖြစ်တယ်လို့လည်း ထုတ်ပြန်ချက်မှာပါရှိပါ တယ်။

လူနာမှာ ပြည်ပခရီးသွားရာဇဝင်မရှိသလို ပြည်တွင်းကူးစက်မှု ခံခဲ့ရသူတစ်ဦးဖြစ်တယ်လို့လည်းသိရပါတယ်။ အစောပိုင်းက လူနာနံပါတ် ၅၊၁၆၊၁၇၊၃၉နဲ့၈၆တို့ သေဆုံးနှင့်ပြီ ဖြစ်တာကြောင့် အခုသေဆုံးတဲ့ လူနာနံပါတ် ၁၁၀ က ၆ဦးမြောက် သေဆုံးသူ ဖြစ်လာပါတယ်။ မြန်မာနိုင်ငံမှာ ရောဂါပိုးကူးစက်ခံရသူ ၁၅၀ ဦးအနက် သေဆုံးသူ ၆ဦးနဲ့ ရောဂါပိုးပြန်လည်ကောင်းမွန်သူ ၁၆ဦး ရှိပါတယ်။