Social Distnacing စည်းကမ်းကို ချိုးဖောက်ပြီး အစုလိုက်အပြုံလိုက်စုရုံးမှုအပေါ်မှာ ရဲတပ်ဖွဲ့ဘက်က စိုးရိမ်နေတာလည်းဖြစ်ပါတယ်။ 

လီဗာပူးလ်ပရိသတ်တွေဟာ သီချင်းတွေသံပြိုင်သီဆိုခဲ့ကြပြီး အန်ဖိးလ်ကွင်းအပြင်ဘက်မှာ အားပါးတရအောင်ပွဲခံခဲ့ကြတာဖြစ်ပါတယ်။ ဒီအတွက်ကြောင့် မာဆေးဆိုက်ရဲတပ်ဖွဲ့အကြီးအကဲဖြစ်သူ Cons Rob Carden က ဗိုင်းရပ်စ်နဲ့ပတ်သက်ပြီး နောက်ထပ်စိုးရိမ်ဖွယ်ရာကိစ္စတွေမဖြစ်ပွားစေဖို့အတွက် ဒေသခံတွေမှာ တာဝန်ရှိတယ်လို့ ပြောဆိုသတိပေးခဲ့ပါတယ်။ 

Carden က နေအိမ်မှာသာ ပျော်ပျော်ရွှင်ရွှင်နဲ့ အောင်ပွဲခံခဲ့တဲ့ ပရိသတ်တွေကိုတော့ ချိးကျူးစကားပြောဆိုခဲ့ပါတယ်။ "ကံမကောင်းတာကတော့ Lockdown ကာလအတွင်းမှာလည်း စည်းကမ်းတွေကိုချိုးဖောက်သူတွေ ရှိနေခဲ့တာပါ၊ လူတိုင်းက ဒီစည်းမျဉ်းကို လိုက်နာခဲ့ကြတာမဟုတ်ပါဘူး၊ ပွဲတော်အများစုမှာ ပျော်ရွှင်နေကြတာ သဘာဝကျပေမယ့်လည်း လူအများအပြားဟာ ကွင်းပြင်ပမှာ စုရုံးဖို့အတွက် ရွေးချယ်ခဲ့ကြပါတယ်" လို့ Carden က ပြောခဲ့ကြောင်း Guardian က ဖော်ပြခဲ့ပါတယ်။ 

ပရိသတ်တွေအချင်းချင်းပွေ့ဖက်ကာ အောင်ပွဲခံခဲ့ကြပြီး ပရိသတ်အများအပြားကလည်း နှာခေါင်းစည်းတွေ တပ်ဆင်ထားခဲ့ကြပါတယ်။ ည ၁၁ နာရီမတိုင်ခင်မှာ လမ်းတွေကိုပိတ်ဆို့ထားမယ်လို့ ရဲတပ်ဖွဲ့က ကြေညာခဲ့ပေမယ့်လည်း အဆိုပါဧရိယာနားတဝိုက်မှာ ပရိသတ်တွေများပြားလာခဲ့ပြီးနောက် လူစုလူဝေးကို လူစုခွဲဖို့ရာ ရဲတပ်ဖွဲ့ဘက်က မတတ်နိုင်ခဲ့ဘူးလို့လည်း သိရပါတယ်။