ဘင်ဖီကာကနေ ယူရိုသန်း ၁၀၀ နဲ့ လီဗာပူးလ်ကို ပြောင်းရွှေ့လာခဲ့ပြီးနောက် ပြီးခဲ့တဲ့ခြေစမ်းပွဲတွေမှာ ဆိုးဆိုးဝါးဝါးလွဲချော်မှုတွေရှိနေခဲ့လို့ ဒါဝင်နူနက်ဇ်တယောက် ဝေဖန်ပြစ်တင်မှုတွေ၊ လှောင်ပြောင်မှုတွေနဲ့ ရင်ဆိုင်နေခဲ့ရပါတယ်။ မနေ့ကပွဲမှာတော့ သူက တပွဲတည်း ၄ ဂိုးသွင်းယူပြီး လှောင်ပြောင်ဝေဖန်နေသူတွေကို အသံတိတ်စေခဲ့ပြီဖြစ်ကာ သူ့ကို ကလော့ပ်က ဘာကြောင့်ခေါ်ယူခဲ့တာလဲဆိုတာကိုပါ ပြသသွားခဲ့ပြီဖြစ်ပါတယ်။ 

ပွဲအပြီးမှာတော့ ကလော့ပ်က "ဒီလိုမျိုး သွင်းဂိုးတွေအတွက် သူ့ကို ကျနော်တို့ ခေါ်ယူခဲ့တာပါ၊ ကစားသမားတယောက်ကို ကြေးကြီးပေးခေါ်ပြီဆိုရင် အဲဒီကစားသမားက ဘာဖိအားမှမရှိဘူးလို့ လူတွေကထင်ကြပါတယ်၊ သူတို့အားလုံးကလည်း လူသားတွေပါ၊ ပထမဆုံးအကြိမ်ထိတွေ့မှုမှာ ချက်ချင်းပြည့်စုံတယ်ဆိုတာမျိုးမရှိပါဘူး၊ ဒီဘက်ခေတ်မျိုးဆက်သစ်ကစားသမားတွေက လူမှုကွန်ယက်တွေသုံးနေတယ်"

နူနက်ဇ်ကတော့ လီဗာပူးလ်အတွက် ဂိုးပေါက်စတွေ့ခဲ့ပြီးနောက်မှာ သူ့ကို ကြေးကြီးပေးခေါ်ယူခဲ့ရတဲ့ မျှော်လင့်ချက်တွေကို ဖြည့်ဆည်းပေးနိုင်ဖို့ ပိုပြီးတော့ မျှော်လင့်ခံရတော့မှာဖြစ်ပါတယ်။ ဥရုဂွေးသားအနေနဲ့ လီဗာပူးလ်အတွက် နောက်ထပ်သွင်းဂိုးတွေ ဆက်တိုက်ရယူနိုင်မလားဆိုတာ စောင့်ကြည့်ရတော့မှာပါ။