ပွဲကစားချိန် ၄၄ မိနစ်မှာ ဖြစ်ပွားခဲ့တာဖြစ်ပြီး ရှာခါက ပဲလေ့စ်နောက်ခံလူအန်ဒါဆန်နဲ့ ရင်ဆိုင်ခဲ့ရတာပါ။ ဘာမှထိခိုက်မိခြင်းမရှိပေမယ့် ရှာခါက လဲကျသွားခဲ့ပြီး ဟန်ဆောင်ခဲ့လို့ အဝါကတ်ထိခဲ့တာဖြစ်ပါတယ်။ ဒီအတွက်ကြောင့် သူ အဝါကတ်ပြသခံခဲ့ရတာကို ပရိသတ်တွေက အံ့အားသင့်ခြင်းမရှိခဲ့ဘဲ တွစ်တာပေါ်မှာတော့ ရှာခါအဝါကတ်ထိမှာကို မလောင်းခဲ့ရလို့ နောင်တရနေတဲ့ ပရိသတ်တ​ွေရှိနေခဲ့ပါတယ်။ 

ပရိသတ်တဦးက "ဒီရာသီပထမဆုံးအဝါကတ်ကို ရှာခါရသွားတယ်ကွာ၊ တကယ်ဆိုရင် ငါ အိမ်ပေါင်ပြီးတော့ကို လောင်းခဲ့သင့်တာ" လို့ မချိတင်ကဲညည်းတွားကာ ပြောဆိုခဲ့ပါတယ်။ နောက်ထပ်တဦးကလည်း "ဘာမှမပြောင်းလဲပါလား၊ ရှာခါက အဝါကတ်တကတ်ရသွားပြီပဲ" လို့ ရေးသားခဲ့သလို တတိယမြောက်တဦးကလည်း "ရှာခါက ဒီရာသီရဲ့ ပထမဆုံးအဝါကတ်ပြခံရတဲ့သူပဲ၊ အံ့အားသင့်စရာတော့မရှိပါဘူး" လို့ ရေးသားပြောဆိုခဲ့ပါတယ်။ 

အသင်းကွင်းလယ်မှာ အားကိုးရတဲ့သူအဖြစ် ရှာခါက ရှိနေခဲ့ပေမယ့် သူ့ရဲ့ အမူအကျင့်နဲ့ စိတ်ပိုင်းဆိုင်ရာအားနည်းမှုက အသင်းခေါင်​ေးဆာင်ရာထူးကိုပါ စွန့်လွှတ်ရတဲ့အထိဖြစ်ခဲ့တာပါ။ အခုလည်း ရာသီအစမှာတင် ဟန်ဆောင်ဒိုက်ထိုးလို့ အဝါကတ်အပြခံရပြီး ပရိသတ်တွေကြားပြောစရာအဖြစ်ရှိနေခဲ့ပါတယ်။