ဟာလန်းရဲ့အေးဂျင့်ရွိုင်အိုလာကလည်း ဇန်နဝါရီအပြောင်းအရွှေ့စျေးကွက်ဖွင့်လှစ်ဖို့နိးကပ်လာချိန်မှာ သူ့ကစားသမားနဲ့ပတ်သက်ပြီး တောက်လျှောက်ဆိုသလိုပြောဆိုမှုတွေ ပြုလုပ်နေပါတယ်။ ရီးရဲလ်အပါအဝင် ထိပ်သီးကလပ် ၅ သင်းက ဟာလန်းကို အလိုရှိနေတယ်လို့ ရွိုင်အိုလာက အတည်ပြုခဲ့ပြီး နော်ဝေတိုက်စစ်မှူးကလည်း အသင်းပြောင်းရွှေ့ချင်နေတယ်လို့ အရိပ်အမြွက်ပြောဆိုခဲ့ပါတယ်။ 

ဒေါ့မွန်အသင်းအကြီးအကဲဖြစ်သူ ဂျိုအာချင်ဝတ်ဇ်ကီကလည်း "ရီးရဲလ်က သူ့ကို အရမ်းစိတ်ဝင်စားနေတယ်ဆိုတာ ကျနော်သိပါတယ်၊ နောက်ထပ်အလိုရှိနေတဲ့ အသင်းက ၂၅ သင်းလောက်ရှိနေပါသေးတယ်၊ ဒါပေမယ့် ရီးရဲလ်သေချာပေါက်ပါဝင်တယ်ဆိုတာကတော့ ကျနော်အတိအကျသိထားပြီးသားပါ၊ သူက စပိန်မှာ ပိုပြီးသင့်တော်မယ်ဆိုတာကိုလည်း သိပါတယ်"

သူနဲ့ ဒေါ့မွန်ကြားစာချုပ်မှာလည်း ဒီရာသီကုန်မှာ ပေါင်သန်း ၇၀ ပေးချေမယ့်အသင်းရှိပါက ရောင်းချဖို့ သဘောတူညီချက်ရှိထားပြီးဖြစ်ပါတယ်။ ရွိုင်အိုလာရဲ့ တွန်းအားပေးနေမှုတွေ၊ ဖန်တီးပေးနေမှုတွေက ဟာလန်းကို အသင်းပြောင်းရွှေ့ဖို့ အနီးစပ်ဆုံးဖြစ်နေစေပြီး ကစားသမားရဲ့ ပြီးခဲ့တဲ့ပွဲစဉ်တွေက အပြုအမူတွေကလည်း သံသယဖြစ်စရာကောင်းနေပါတယ်။ ဇန်နဝါရီမှာပဲ ထွက်ခွာမလား၊ ရာသီကုန်မှပြောင်းရွှေ့မလားဆိုတာကတော့ စောင့်ကြည့်ရဖို့ရှိနေပါတယ်။