ဝီလော့ခ်ရဲ့ လှပတဲ့ကန်သွင်းချက်နဲ့အတူ နယူးကာဆယ်က အဖိုးတန်နိုင်ပွဲကိုရရှိခဲ့တာလည်းဖြစ်ပါတယ်။ ချယ်လ်ဆီးဟာ တပွဲလုံးမှာ ထိရောက်တဲ့ ခြိမ်းခြောက်မှုမျိုးတွေကို မလုပ်ပြနိုင်ခဲ့ဘဲရှိနေခဲ့ပါတယ်။ အပြောင်းအလဲတွေကို ဂရေဟမ်ပေါ်တာက ပြုလုပ်ပြုလုပ်ခဲ့ပေမယ့် အရာမထင်ဖြစ်ခဲ့ရပြီး အဝေးကွင်းကနေ အမှတ်ဗလာနဲ့ အိမ်ပြန်လာခဲ့ရပါတယ်။ 

NBC ရဲ့ အားကစားအစီအစဉ်တင်ဆက်သူ Peter Drury က ချယ်လ်ဆီးအရေးနိမ့်အပြီးမှာတော့ "ဂရေဟမ်ပေါ်တာရဲ့ ချယ်လ်ဆီးက Pressing Football ကစားဟန်အသစ်နဲ့ ကစားသွားတာပဲဗျ၊ Depressing လို့ ခေါ်တယ်" ဆိုပြီး ပြောဆိုကာ လှောင်ပြောင်ခဲ့ပါတယ်။ ဂရေဟမ်ပေါ်တာဟာ နည်းပြဟောင်းတူချယ်လ်ရဲ့ နေရာကို အစားထိုးဝင်ရောက်လာခဲ့သူဖြစ်ပြီး အသင်းကို ချန်ပီယံလိဂ်နောက်တဆင့်ဆီ ပို့ဆောင်ပေးနိုင်ခဲ့ပါတယ်။