မလိုအပ်ဘဲ ပြစ်ဒဏ်ကျူးလွန်ခဲ့လို့ အဝါကတ်ပြသခံခဲ့ရပါတယ်။

စိတ်ပျက်စရာကောင်းတဲ့ပုံစံနဲ့ ဖျက်ထုတ်မှုလို့ ဆင်ကလဲယားက ဆိုခဲ့ပြီး ပေါ်တူဂီသားဟာ အသင်းရှုံးပွဲကြောင့် ဒေါသထွက်နေခဲ့တယ်လို့လည်း ပြောဆိုခဲ့ပါတယ်။


မန်ချက်စတာဒါဘီပွဲမှာ ဒီဘရိုင်းကို ဖျက်ထုတ်ခဲ့တဲ့ ရော်နယ်ဒိုရဲ့လုပ်ရပ်ဟာ သူရဲဘောကြောင်တာဖြစ်တယ်လို့ မန်စီးတီးကစားသမားဟောင်းဆင်ကလဲယားက ပြစ်တင်ပြောဆိုလိုက်ပါတယ်။ ၂-၀ နဲ့ ယူနိုက်တက်တို့ ရှုံးနိမ့်ခဲ့တာဖြစ်ပြီး ပွဲချိန်ဒုတိယပိုင်းမှာ ရော်နယ်ဒိုက ပြစ်ဒဏ်ကျူးလွန်ခဲ့ပြီး အဝါကတ်ပြားပြသခံခဲ့ရပါတယ်။  



စိတ်ပျက်စရာကောင်းတဲ့ပုံစံနဲ့ ဖျက်ထုတ်မှုလို့ ဆင်ကလဲယားက ဆိုခဲ့ပြီး ပေါ်တူဂီသားဟာ အသင်းရှုံးပွဲကြောင့် ဒေါသထွက်နေခဲ့တယ်လို့လည်း ပြောဆိုခဲ့ပါတယ်။ ဒီအတွက်ကြောင့် ဒီဘရိုင်းအပေါ် ပုံချခဲ့ကာ ကျူးလွန်ခဲ့တာဖြစ်တယ်လို့လည်း သူက ထပ်မံပြောကြားခဲ့ပါတယ်။ ရော်နယ်ဒိုဟာ လီဗာပူးလ်နဲ့ပွဲစဉ်တုန်းကလည်း လီဗာပူးလ်ကားကာတစ်ဂျုံးစ်ကို မလိုအပ်ပဲ ကြမ်းကြမ်းတမ်းတမ်းဖျက်ထုတ်မှုတွေပြုလုပ်ခဲ့သူဖြစ်ပါတယ်။ 


"အရမ်းကို အပေါစားဆန်လွန်းပါတယ်၊ ဒီဖြစ်ရပ်အစက ဖာနန်ဒက်စ်ကနေ စတင်ခဲ့တာဖြစ်ပြီး ဒီဘရိုင်းက ကွင်းပေါ်လဲကျသွားချိန်မှာ ရော်နယ်ဒိုက ပစ်ဝင်သွားခဲ့တာပါ၊ ခြေတဖက်တည်းပဲဆိုတာ ကျွန်တော်သိပါတယ်၊ ဒါပေမယ့် သူက ခုန်ဝင်ခဲ့တာဖြစ်ပြီး နည်းနည်းတော့ မိုက်မဲလွန်းပါတယ်၊ ဒေါသလည်း နည်းနည်းထွက်နေပုံရပါတယ်၊ အဲဒါက အဆင်မပြေလှပါဘူး၊ ဒီဘရိုင်းအဆင်ပြေမယ်လို့ ကျွန်တော်မျှော်လင့်ပါတယ်၊ ဘာလို့လဲဆိုတော့ တကယ်ဆိုးရွားနုံချာတဲ့ဖြစ်ရပ်ကြောင့်ပါ
"


"သူရဲဘောကြောင်တဲ့လုပ်ရပ်လည်းဖြစ်ပါတယ်၊ ရော်နယ်ဒိုက ဒီဘရိုင်း၊ ဖာနန်ဒက်စ်တို့နဲ့ အဝေးကြီးမှာပါ၊ ကာတစ်ဂျုံးစ်ကိုလည်း သူ ဒီလိုပဲလုပ်ခဲ့တာပါ၊ သူက အမြဲတမ်းအနိုင်လိုချင်နေတဲ့သူဆိုတော့ ရှုံးနိမ့်တာကို မနှစ်သက်ပါဘူး" လို့ ဆင်ကလဲယားက talk Sport ကနေ ပြောဆိုသွားခဲ့ပါတယ်။ ဒီလုပ်ရပ်နဲ့ပတ်သက်ပြီးတော့လည်း လူမှုကွန်ရက်မှာ ရော်နယ်ဒိုကို လှောင်ပြောင်ဝေဖန်မှုတွေပြုလုပ်နေကြတာဖြစ်ပါတယ်။ 

Share

က္က