ညက ကစားခဲ့တဲ့ အာရှချန်ပီယံလိဂ်ပွဲမှာ အယ်လ်နာဆာအတွက် ဘယ်ခြေနဲ့ချည်းပဲ ရော်နယ်ဒိုက ၂ဂိုးသွင်းယူခဲ့ပါတယ်။ ဒါကြောင့် ရော်နယ်ဒိုဟာ ၂၀၂၃ အတွင်း သွင်းဂိုးပေါင်း ၄၃ ဂိုးအထိ ရှိလာပြီဖြစ်ကာ ဟာလန်းထက်တောင်မှ ၃ ဂိုးပိုများနေပြီဖြစ်ပါတယ်။ အသက် ၃၈ နှစ််အရွယ် ရော်နယ်ဒိုရဲ့ စွမ်းဆောင်ရည်ကတော့ တကယ်ကို အံ့မခန်းပါပဲ။
နောက်ထပ် ချီးကျူးစရာမှတ်တမ်းကတော့ သူ့ရဲ့ မဟာပြိုုင်ဘက်ကြီး မက်ဆီနဲ့ ပတ်သက်ပြီးတော့ပါ။ ဒီရာသီ ကလပ်သွင်းဂိုးတွေမှာ ရော်နယ်ဒိုက ဘယ်ခြေကန်သွင်းချက်နဲ့ ၉ ဂိုးအထိ ရရှိခဲ့ပြီးဖြစ်ကာ မက်ဆီရရှိထားတဲ့ ဘယ်ခြေသွင်းဂိုး ၈ ဂိုးထက် ပိုများနေတာဖြစ်ပါတယ်။
ဘယ်ခြေသန်တဲ့ မက်ဆီထက်တောင် ရော်နယ်ဒိုက ပိုများပြားနေတာဖြစ်ပြီး ဒါကလည်း ထူးခြားမှုတခုပါပဲ။ သူတို့နှစ်ဦးကြားမှာ အသေးစိတ်ကအစ နှိုင်းယှဉ်မှုတွေက ရှိနေတာဖြစ်ပြီး မက်ဆီဟာ သူ အားသန်တဲ့ ဘယ်ခြေနဲ့ သွင်းဂိုးရရှိမှုမှာ ညာခြေအားသန်တဲ့ ရော်နယ်ဒိုထက် နည်းပါးနေခဲ့တာပါ။
ရော်နယ်ဒိုဟာ အယ်လ်နာဆာအတွက် ပြိုင်ပွဲစုံမှာ ဆက်တိုက်ခြေစွမ်းပြနေတာဖြစ်ပြီး ညကပွဲမှာဆိုရင် တယ်လစ္စကာအတွက် လှပတဲ့ ဖန်တီးမှုတခုကိုလည်း လုပ်ပေးခဲ့ပါသေးတယ်။ သူ့ရဲ့ ဘယ်ခြေကန်ချက်နဲ့ ဧရိယာအပြင်ကနေ သွင်းယူခဲ့ပြီးချိန်မှာဆိုရင်လည်း အသင်းဖော်တဦးက မယုံနိုင်ဟန်ဖြစ်ခဲ့ပြီး သူ့ခေါင်းကို လက်နဲ့အုပ်ကိုင်မိတဲ့အထိ အံ့အားသင့်ခဲ့တာကိုလည်း မြင်တွေ့ခဲ့ရပါတယ်။