ဒါပေမယ့်လည်း ဒီနေ့ပြုလုပ်ခဲ့တဲ့ အသင်းလေ့ကျင့်ခန်းအစီအစဉ်ကို သူတို့နှစ်ဦးစလုံးရောက်ရှိခဲ့ပြီး မာနေးကို ပြုံးပြုံးရွှင်ရွှင်နဲ့ မြင်တွေ့ခဲ့ရပါတယ်။ ဆာနေးကတော့ မြူးနစ်ကို အပြန်မှာ သူ့ရဲ့ နှုတ်ခမ်းဒဏ်ရာကို လူမြင်မှာစိုးလို့ ပါးစပ်ကြီးစေ့ပြီးတော့ ဘတ်စ်ကားပေါ်တက်သွားခဲ့တာကို Sky Sports က ပြသခဲ့ပါတယ်။ 

ဒီဖြစ်ရပ်နောက်ဆက်တွဲအဖြစ် မာနေးကို စာချုပ်ဖျက်သိမ်းဖို့အတွက် ဘိုင်ယန်ဘက်ကစဉ်းစားနေပြီလို့ Daily Mail က ဆိုပါတယ်။ အသင်းဖော်တွေရှေ့မှာ မာနေးဘက်က တောင်းပန်မှုတ​ွေ ပြုလုပ်ရမယ်လို့လည်း မျှော်လင့်ရပြီး လက်ရှိအခြေအနေတွေကို ဘိုင်ယန်ဘက်က တစုံတရာပြောဆိုခြင်းမရှိသေးပါဘူး။ 

နည်းပြတူချယ်လ်က အဆိုပါကစားသမားနှစ်ဦးနဲ့ တွေ့ဆုံကာ မျက်နှာချင်းဆိုင် ဆွေးနွေးဖြေရှင်းသွားဖို့လည်း ရှိတယ်လို့ သိရပါတယ်။