မန်ချက်စတာယူနိုက်တက်ဂန္တဝင်နည်းပြကြီး ဆာအဲလက်စ်ဖာဂူဆန်ဟာ မန်ချက်စတာယူနိုက်တက်အသင်းက အက်စ်တွန်ဗီလာကြယ်ပွင့် ဂျွန်မက်ဂင်းကို ခေါ်ယူဖို့ စိတ်မဝင်စားတဲ့အတွက် စိတ်တိုနေတယ်လို့ ဘော်ဘီဂျန့်ခ်က ပြောကြားခဲ့ကြောင်း Metro က ဖော်ပြခဲ့ပါတယ်။
ဂျွန်မက်ဂင်းဟာ စကော့တလန်ကလပ်အသင်းဖြစ်တဲ့ စိန့်မီရန်၊ ဟီဘာနီရန်အသင်းတွေမှာ ကစားခဲ့ပြီး ၂၀၁၈ ခုနှစ်မှာ အက်စ်တွန်ဗီလာအသင်းကို ပြောင်းရွှေ့ခဲ့သူဖြစ်ပါတယ်။ ဘော်ဘီဂျန့်ခ်ဟာ ဂျွန်မက်ဂင်း စကော့တလန်မှာ ကစားခဲ့ချိန်ကတည်းက မြင်တွေ့ခဲ့သူဖြစ်ပြီး ဆာအဲလက်စ်ဖာဂူဆန်ကလည်း ဂျွန်မက်ဂင်းကို အလွန် နှစ်သက်သူဖြစ်တယ်လို့ သိရပါတယ်။
ဖာဂူဆန်က ပြီးခဲ့တဲ့နွေရာသီမှာ မန်ချက်စတာယူနိုက်တက်က ဂျွန်မက်ဂင်းကို ခေါ်ယူအောင် ကြိုးပမ်းခဲ့ပေမယ့် အက်စ်တွန်ဗီလာအသင်းက အသက် ၂၄ နှစ်အရွယ်ကြယ်ပွင့်အတွက် ပေါင်သန်း ၅၀ တောင်းဆိုခဲ့တာကြောင့် မအောင်မြင်ခဲ့တာဖြစ်ပါတယ်။
ဘော်ဘီဂျန့်ခ်က ဖာဂူဆန်ဟာ ဂျွန်မက်ဂင်းရဲ့ ပရိသတ်ဖြစ်တယ်လို့ ပြောကြားခဲ့ပြီး ဂျွန်မက်ဂင်းကို ခေါ်ယူသင့်တယ်လို့ မန်ချက်စတာယူနိုက်တက်အသင်းကို မကြာခဏ ပြောကြားခဲ့တယ်လို့ သိရပါတယ်။
“သူက ပြိုင်ပွဲထဲမှာ အကောင်းဆုံးစွမ်းဆောင်ရည်ပြသနေတဲ့ ကွင်းလယ်ကစားသမားပါ”
“သူ ဒီခြေစွမ်းအတိုင်း တစ်နှစ်လောက်ကစားနိုင်မလားဆိုတာကို စောင့်ကြည့်ရပါဦးမယ်။ ပြီးရင်တော့ ကျွန်တော်တို့ ဒီထက်ပိုပြီးပြောနိုင်မှာပါ”
“ကျွန်တော် သိတာကတော့ ဆာအဲလက်စ်ဖာဂူဆန်က ဘာကြောင့် မန်ချက်စတာယူနိုက်တက်အသင်းက ပါရမီရှိတဲ့ စကော့တလန်ကစားသမားကို လက်လွှတ်ခံလိုက်တာလဲဆိုတာကို အံ့အားသင့်နေပါတယ်”လို့ ပြောကြားခဲ့ပါတယ်။