ဧပြီလ ၁၃ရက်နံနက်ပိုင်းကလုပ်ခဲ့တဲ့ လူမှုကွန်ရက် စကားဝိုင်းမှာ နိုင်ငံတော် အတိုင်ပင်ခံက ဆိုင်ကယ်ကယ်ရီ သမားတွေ၊သုံးဘီး တက္ကစီသမားတွေလည်း စားနပ်ရိက္ခာထောက်ပံ့မှု ရရှိနိုင်ဖို့ ကြိုးပမ်း ပေးသွားမယ်လို့ ပြောခဲ့ပါတယ်။

တောင်းဆိုမှုအပေါ် နိုင်ငံတော် အတိုင်ပင်ခံ ဒေါ်အောင်ဆန်းစုကြည်က - “ အမေတို့ကြည့်ပေးပါမယ်၊ ချက်ချင်း တော့ အဖြေမပေးချင်သေးဘူး၊တစ်ခုခု အောင်မြင်အောင်လုပ်နိုင်မှပဲ ပြောချင်တယ်၊အဲ့တော့ အခြေအနေဘယ်လို ရှိမလဲ ဆိုတာ တစ်နိုင်ငံလုံး အတိုင်းအတာနဲ့ စဉ်းစားရမယ်လေ၊လှိုင်သာယာမှာပဲ ရှိသလား၊ အခြားဘယ်လိုနေရာတွေမှာ ရှိသေးလဲဆိုတာ ကြည့်ဖို့လိုပါတယ်။ဘယ်သူ့ကိုမှတော့ ပစ်မထားပါဘူး။တတ်နိုင်သမျှတော့ စောင့်ရှောက်မှာပါ။” လို့ ပြန်လည်ဖြေကြားခဲ့တာပါ။

ပုံ-စားနပ်ရိက္ခာ‌ထောက်ပံ့မှုမှာ ပါဝင်တဲ့ အနှေးယာဥ်လုပ်သားများ

“ကယ်ရီတွေကလည်း ဆိုင်ကားတွေနည်းတူ ခရီးသည်ရှိမှ ဆွဲရတာလေ၊အခုတော့ ဘယ်သူမှ မထွက်တော့ သူတို့ လည်း မဆွဲရတော့ဘူးပေါ့။ဆိုင်ကယ်ကယ်ရီတွေ၊သုံးဘီးတက္ကစီတွေကိုတော့ ကျွန်တော်တို့က စားနပ်ရိက္ခာ ထောက်ပံ့တဲ့စာရင်းထဲ မပါဘူး။အနှေးယာဉ်လုပ်သားတွေတော့ပါတယ်။ဆိုင်ကယ်ကယ်ရီတွေ၊သုံးဘီးတက္ကစီတွေ ဆွဲတဲ့သူတွေမှာ တချို့ကလည်း အငှားဆွဲရတာရှိတယ်။ တချို့ကတော့ ကိုယ်ပိုင်ပေါ့၊အငှားဆွဲတဲ့သူတွေဆိုရင် အခု ချိန်က အနှေးယာဉ်လုပ်သားတွေလိုပဲ ဝင်ငွေလုံးဝမရှိတော့တဲ့သူတွေ ရှိပါတယ်။”လို့ ဦးချစ်ကိုကိုလင်းက ပြောပါ တယ်။

နိုင်ငံတော်က သင်္ကြန်ကာလမှာ အခြေခံလူတန်းစားတွေ စားဝတ်နေရေး အဆင်ပြေစေဖို့ ရည်ရွယ်ပြီး ဆန်၊ဆီ၊ ဆား၊ပဲ၊ကြက်သွန် (၅)မျိုးကို ထောက်ပံ့ခဲ့တာပါ။