ကိုရီးယားကေလိဂ်-၁ အသင်းကြီးတစ်သင်းဖြစ်တဲ့ ပိုဟမ်စတီးယားအသင်းဟာ မြန်မာနိုင်ငံကို ခြေစမ်းပွဲစဉ်များ အဖြစ် မြန်မာနေရှင်နယ်အသင်းတစ်သင်းဖြစ်တဲ့ ဧရာဝတီယူနိုက်တက်၊ မြန်မာ့လက်ရွေးစင်ယူ-၂၂အသင်းတွေနဲ့ မေ ၂၈၊ ၃၀ ရက်တွေမှာ ကစားဖို့ရှိနေပါတယ်။ မြန်မာနဲ့တောင်ကိုရီးယားနှစ်နိုင်ငံချစ်ကြည်ရေးအဖြစ် မြန်မာနိုင်ငံဘောလုံးအဖွဲ့ချုပ်နဲ့ မြန်မာပေါ်စကိုကုမ္ပဏီတို့ ပူးပေါင်းကျင်းပမယ့် ခြေစမ်းပွဲစဉ်တွေကို ကွင်းဝင်ကြေးအခမဲ့သတ်မှတ်ထားပြီး ပွဲစဉ်နှစ်ပွဲလုံးကို ရန်ကုန်မြို့ရှိ သုဝဏ္ဏကွင်းတွင် ယှဉ်ပြိုင်ကစားကြဖို့ရှိနေတာပါ။

“amateur ဘဝတုန်းက ပိုဟမ်စတီးလားကို Custom ပေါ့၊ ဘဏ္ဍာအခွန်အနေနဲ့ ကစားခဲ့ဖူးတယ်။ ကျွန်တော်တို့ သူတို့ပိုဟမ်စတီးလားကို အရင်ဆုံး ဂိုးရတယ်။ ဂိုးရ ပြီးတော့ အဲဒီအချိန်မှာ သူတို့ကိုသွားပြီးစသလိုဖြစ်သွားတာေ ပါ့နော်။ သူတို့က ကျွန်တော်တို့ကိုပြန်ပြီး တော့ သွင်းလိုက်တာဆိုတာ၊ တင် ကစားတာပေါ့နော်။ ဒီပွဲအဖြေက ၄-၁ လားမသိဘူး.. ရှုံးတာပေါ့နော်။ ဒါပေမဲ့ အမှန်တကယ်ကတော့ ဒီပွဲမှာတော် တော်များများနဲ့ကို ရှုံးရမှာ။ အဓိကတော့ ကျွန်တော်တို့ရဲ့ ဂိုးသမားပါ။ လက်ရှိ ကျွန်တော်တို့မြန်မာ့လက်ရွေးစင် ယူ-၂၃မှာ နည်းပြ၊ ဂိုးနည်းပြအဖြစ်လုပ်နေတဲ့ ကိုအောင်ကျော်ကျော်ပေါ့။ သူ့ရဲ့လက်စွမ်းပြမှုကြောင့် ကျွန်တော် တို့ ၄-၁ နဲ့ပဲ ရှုံးခဲ့တယ်။ အဲဒီထဲကိုက ဒီအသင်းက ကျွန်တော်တို့ထက် အများကြီးသာနေခဲ့တယ်။ အခုချိန်မှာ အ များကြီးပြောင်းလဲနေတယ်အချိန်မှာ ပိုပြီးတိုးတက်လာတယ်။ ကျွန်တော်တို့မှာတော့ amteur ကနေ အားလုံးလ ည်း သိတဲ့အတိုင်း MNL မြန်မာနေရှင်နယ်လိဂ်ဆိုပြီးပြောင်းလာတယ်။ ၉နှစ် ၁၀နှစ်အတွင်းမှာ ပြောင်းလဲလာတ ယ်။ မနက်ဖြန်ပွဲမှာတော့ ကျွန်တော်တို့ရဲ့ မြန်မာplayer တွေ ဘယ်လောက်ကစားနိုင်လဲဆိုတာကြည့်ကြတာ ပေါ့ ” လို့ ဧရာဝတီယူနိုက်တက်အသင်းနည်းပြချုပ်ဦးမျိုးလှိုင်ဝင်းက ဒီကနေ့ပြုလုပ်ခဲ့တဲ့ သတင်းစာရှင်းလင်းပွဲမှာ Duwun Sportsရဲ့ မေးခွန်းကို ဖြေကြားခဲ့ပါတယ်။