ပွဲမစခင် ၃ ဂိုးသွင်းမယ်လို့ ပြောထားပြီး ပွဲကစားချိန်မှာလည်း တစ်ကယ်ပဲ ၃ ဂိုးသွင်းသွားတဲ့ အပေါ်မှာ မာရာဒိုနာက မှော်ဆရာဖြစ်မယ်လို့ Marca သတင်းဌာနကို ပြောခဲ့တာပါ။
အက်သလက်တီကိုအသင်းဖက်ကို ၃ဂိုး မသွင်းခင်ကတည်းက ရော်နယ်ဒိုက အဆိုပါပွဲမှာ သူ ၃ ဂိုးသွင်းလိမ့်မယ်လို့ ကြိုတင် ခန့်မှန်းပြောဆိုထားခဲ့တယ်လို့ အာဂျင်တီးနား ဂန္တဝင် မာရာဒိုနာက MARCA သတင်းဌာနကို ပြောသွားပါတယ်။
မာရာဒိုနာက ရော်နယ်ဒိုအနေနဲ့ မှော်ဆရာတစ်ဦးလို ဟက်ထရစ်သွင်းဂိုး ရယူသွားခဲ့တယ်လို့ ချီးကျူးထားခဲ့ပါတယ်။ ဂျူဗင်တပ်အသင်းအနေနဲ့လည်း ပထမအကျော့ အဝေးကွင်းမှာ ၂-ဝဂိုးနဲ့ ရှုံးနိမ့်ထားပေမယ့် ဒုတိယကျော့မှာ တော့ ရော်နယ်ဒိုရဲ့ ၃ ဂိုးနဲ့ ကွာတားကို တက်ရောက်နိုင်ခဲ့တာပါ။
ရော်နယ်ဒိုအနေနဲ့လည်း အခုလို ဟက်ထရစ်ရခဲ့လို့ မက်ဆီရဲ့ချန်ပီယံလိဂ် ဟက်ထရစ် ၈ ကြိမ်ရယူထားတဲ့ စံချိန်နဲ့ တူညီခဲ့ပြီ ဖြစ်ပါတယ်။
“မှော်ဆန်တဲ့ ခြေစွမ်းပိုင်ဆိုင်ဖို့ ခက်ခဲပါတယ်၊ ကျွန်တော်တို့ အာဂျင်တီးနားလူမျိုးတွေက မက်ဆီအတွက် ဂုဏ် ယူကြပါတယ်၊အကြောင်းကတော့ သူက အာဂျင်တီးနား လူမျိုး ဖြစ်နေလို့ပါ။သူသာ စပိန်ဆိုရင်တော့ ဖြစ်မှာ မဟုတ်ပါဘူး။ အခြားတဖက်မှာတော့ အခြားတစ်ယောက်က သတ္တဝါတစ်ကောင်လိုပါပဲ။ ခွန်အားနဲ့ ပြည့်စုံသ လို မှော်ဆရာတစ်ယောက်လိုပါပဲ။သူပွဲမစခင်ကတည်းက ၃ ဂိုးသွင်းမယ်လို့ ပြောခဲ့တယ်။ ပြောတဲ့အတိုင်းပဲ ၃ ဂိုး သွင်းသွားတယ်” လို့ မာရာဒိုနာက Marca သတင်းဌာနကို ပြောသွားတာပါ။
ရော်နယ်ဒိုရဲ့ ဂျူဗင်တပ်အသင်းကတော့ အက်သလက်တီကို အသင်းကို အနိုင်ရရှိခဲ့လို့ ကွာတားဖိုင်နယ်ကို တက်လှမ်းခဲ့ပြီး အခြားသော အသင်းတွေအဖြစ် ဘာစီလိုနာ၊ အေဂျက်၊ ပေါ်တိုနဲ့ အင်္ဂလန် အသင်းတွေဖြစ်တဲ့ မန်ယူ၊ စပါး၊ လီဗာပူး၊ မန်စီးတီးတို့ ရှိနေပါသေးတယ်။