MTV ရိုက်ကွင်းပေါ်က တင်ဇာမော်နဲ့ ကျော်ထက်အောင်တို့ရဲ့ ဓာတ်ပုံတွေကို အွန်လိုင်းစာမျက်နှာပေါ်မှာ ပရိသတ်တွေက စာသားအမျိုးမျိုးနဲ့ Troll နေကြတာဖြစ်ပါတယ်။ ဒီ Troll တွေကို ပြန်တွေ့လိုက်ရတဲ့ အချိန်မှာတော့ သူကပျော်တောင်ပျော် တယ်လို့ ဆိုပါတယ်။
အဆိုတော် တင်ဇာမော်နဲ့ သရုပ်ဆောင်ကျော်ထက်အောင် တို့ရဲ့ MTV ရိုက်ကွင်းပေါ်က ပုံရိပ်တွေဟာ ပရိသတ်တွေကြားမှာ Troll စရာ ဟာသ တစ်ခုလို ဖြစ်နေပါတယ်။ ဒီအကြောင်းအရာအပေါ်မှာလည်း တင်ဇာမော်က တုံ့ပြန်ပြောဆိုတာမျိုး မရှိပဲ ပျော်တောင် ပျော်တယ် ဆိုပြီးတော့ မီဒီယာတွေကို ဖြေဆိုပေးခဲ့ပါတယ်။
'' Troll လုပ်တဲ့ မောင်လေးတွေ၊ ညီမလေးတွေ ပြီးတော့ အစ်မထက် ကြီးမယ့်သူတွေ ရှိမလား အစ်ကိုတွေ၊ အစ်မတွေ ကို ကျေးဇူးတင်တယ်။ ပျော်လည်း ပျော်တယ်။ အခုမှပဲ Troll တာလေးတွေ ဘာပဲဖြစ်ဖြစ် တွေ့ရတော့တယ်လို့။ Myanmar idol Season 2 တုန်းကတောင် Troll ကြတယ် လို့ပြောတယ်၊ ဘယ်လိုပဲဖြစ်ဖြစ် ပျော်ပါတယ်'' လို့ သူကဆိုပါတယ်။
Photo: တင်ဇာမော် ဖေ့စ်ဘွတ်
MTV ရိုက်ကူးနေတဲ့ ရိုက်ကွင်းပေါ်က အမှတ်တရဓာတ်ပုံတွေကို တင်လိုက်တဲ့ အချိန်မှာတော့ ပရိသတ်တွေက စာသားမျိုးစုံတက်ပြီး Troll ခဲ့ကြတာဖြစ်ပါတယ်။ ဒီလို Troll တတ်တဲ့ အိုင်ဒီယာမျိုးတွေလည်း မတွေးမိဘူးလို့ ဆက်လက်ပြောပြခဲ့ပါသေးတယ်။
'' ကိုယ်ဆို ဒီလိုမျိုးတွေ မတွေးမိဘူးပေါ့နော်၊ ဒီလိုမျိုးတွေ ဖြစ်ဖို့ ဒီလို အနစ်နာခံခဲ့ရတယ် ဆိုတဲ့ ပုံတွေမှာ တကယ်လည်း ကျော်ထက်အောင်က သူ့ခြေထောက်ကို ထရိုင်ဖော့ လုပ်မယ်ဆိုပြီး ကားချလိုက်တာ အစ်မ မတွေးမိဘူး'' ဆိုပြီးတော့ စက်တင်ဘာလ ၂ ရက်နေ့ နေ့လည်ပိုင်း က Diehard Fans of Tin Zar Mow Group ရဲ့ တတိယအကြိမ်မြောက်သီချင်းဆိုပြိုင်ပွဲမှာ ဖြေဆိုပေးခဲ့တာဖြစ်ပါတယ်။
အိမ်ထောင်သက်တမ်း ၁၁ နှစ်ပြည့်ခဲ့ပြီဆိုတဲ့ တင်ဇာမော်တို့ ဇနီးမောင်နှံ
တင်ဇာမော်ကို Myanmamr Idol Season 1, Season 2 သီချင်းဆိုပြိုင်ပွဲတွေမှာကတည်းက သူ့ရဲ့ လှုပ်ရှားမှုတွေကို Troll ခံခဲ့ရသေးတယ်လို့ ဆိုပါတယ်။ ဒီလို Troll တဲ့ သူတွေဟာလည်း ပရိသတ်တွေဖြစ်တာကြောင့် ကြိုဆိုတဲ့ အကြောင်း ပြောပြခဲ့ပါသေးတယ်။
'' သူတို့ကလည်း ဘာပဲ ပြောပြော ပရိသတ်ပဲလေ။အားပေးတဲ့ ပရိသတ်ရှိသလို ဒီလိုစောင့်ကြည့်နေကြတဲ့ ပရိသတ်တွေလည်း ရှိရမယ် ပေါ့နော်။ သူတို့ကို ကြိုဆိုတယ်၊ ရှိရမယ် ပျော်စရာလည်း တကယ်ကောင်းတယ်'' ဆိုပြီးတော့ တင်ဇာမော်က သဘောကျရယ်မောရင်း ဖြေဆို ပေးခဲ့တာဖြစ်ပါတယ်။
Photo: တင်ဇာမော် ဖေ့စ်ဘွတ်
အဆိုတော်တင်ဇာမော်ကတော့ Seven Concert လို့ အမည်ပေးထားတဲ့ တစ်ကိုယ်တော်ဖျော်ဖြေပွဲကြီးကိုလည်း ၂၀၁၇ ခုနှစ်အတွင်း မှာ ကျင်းပခဲ့ပါသေးတယ်။ ဒီနေ့အချိန်ထိ အားပေးနေတဲ့ ပရိသတ်တွေအတွက်ကိုလည်း အမြဲတမ်းကြိုးစားနေပါ့မယ်ဆိုတဲ့ အကြောင်း ကိုလည်း Duwub Media အင်တာဗျူးမှာ ဖြေဆိုခဲ့ဖူးပါတယ်။