ဆုပန်ထွာဟာ သူငယ်ချင်းဖြစ်သူ ခိုင်နှင်းဝေ မွေးစားထားတဲ့ ကလေးလေးတွေဆီကို ကလေးအသုံးအဆောင်ပစ္စည်းတွေ လှူဖို့ အရောက်သွားခဲ့ပါတယ်တဲ့။ ခိုင်နှင်းဝေကိုလည်း သူမရင်ထဲကနေ လှိုက်လှိုက်လှဲလှဲ ချီးကျူးစကားဆိုထားပါတယ်။

ဆုပန်ထွာက ဇွန်လ ၂၁ ရက်နေ့ က သူငယ်ချင်းဖြစ်သူ ခိုင်နှင်းဝေ မွေးစားထားတဲ့ ကလေးတွေဆီကို အရောက်သွားခဲ့တယ်လို့ဆိုပါတယ်။ ခိုင်နှင်းဝေကိုလည်း လေးလည်း လေးစားမိသလို ချီးကျူးစကားလည်း ပြောပြခဲ့ပါသေးတယ်။

‘’အနီးစပ်ဆုံးကိုယ့်စိတ်ထဲဖြစ်တာအရိုးရှင်းဆုံးစကားလုံးကသူတို့လေးတွေကိုတွေ့ရတာ "ငါမပျော်ဘူး" ဆိုတာလေးပါပဲ။ဒီလိုကလေး သေးသေးလေးတွေအများကြီးမြင်ရတိုင်း ကြည့်မိနေရင်းမျက်ရည်အလိုလိုကျတာလည်း ထိန်းမရ။ထိန်းထားရင်းနဲ့ကို ကျလာမိတဲ့မျက်ရည်တွေ။ဒီခေတ်ကြီးထဲကလေးတစ်ယောက်စရိတ်ဆိုတာတောင်ပြည့်စုံစွာထိန်းကျောင်းပံ့ပိုးပေးဖို့အနိုင်နိုင်ကြိုးစားကြရတာ။ သူငယ်ချင်းလေးက ၂၁ ယောက်ခေါ်မွေးထားတာဆိုတော့ သူ့ကိုချီးကျူးရင်းနဲ့စိတ်ပူပေးမိတာအမှန်ပဲ။ ဒါကြောင့်သူငယ်ချင်းဆီကိုယ်တတ်နိုင်သလောက်လေးသွားပေးလှူဖြစ်ပါတယ်’’ ဆိုပြီးတော့ ဇွန်လ ၂၁ ရက်နေ့ ည ၁၁ နာရီခွဲကျော်က သူ့ရဲ့ ဖေ့စ်ဘွတ်စာမျက်နှာမှာ ရေးသားခဲ့ပါတယ်။

အဲဒီနောက် ဆုပန်ထွာဟာ ခိုင်နှင်းဝေနဲ့ အတူ ကလေးငယ်တွေရဲ့ ဝေရာဝစ္စတွေ ပြုလုပ်ပေးရင်း Roar လေး ငယ်ငယ်က ကစားခဲ့တဲ့ ကလေး အသုံးအဆောင် ပစ္စည်းတွေကိုလည်း လှူခဲ့တယ်လို့ ဆိုပါတယ်။

‘’Plume Small Baby Diaper တစ်ဗုံး၊အနှီးတွေ၊စောင်တွေ၊Roar Roar ဟိုးငယ်ငယ်ကဆော့တဲ့ တွန်းလှည်းတွေ၊ အရုပ်လေးတွေ ကိုယ့်မှာရှိတာတွေသူအသုံးဝင်မယ်ထင်တာလေးတွေ သွားပေးဖြစ်ပါတယ်။ကလေးတွေအတွက်အသုံးဝင်စေဖို့လည်းဆုတောင်းပါတယ်။ ငိုနေတဲ့ကလေးတွေ ကိုနို့ဗူးတွေတလှည့်ဆီတိုက်ရင်း၊ ကလေး ၉ ယောက်ရဲ့လက်သည်းလေးတွေ ကိုယ်တိုင်ညှပ်ပေးရင်း ဒီညနေလေးသူတို့လေးတွေနဲ့အချိန်ကုန်ရတာ ပီတိဖြစ်မိရင်း....ကလေးအားလုံးအတွက်

ကျေးဇူးပါသူငယ်ချင်းလေး’’ လို့ ဆိုပါတယ်။

Photo: Su Pan Htwar

ဆုပန်ထွာက သူမအတွက် မမေ့နိုင်တဲ့ အလှူလေး တစ်ခုကိုမှတ်တမ်းတင်ဖြစ်တဲ့ အကြောင်းပြောပြထားပါတယ်။ ကလေးတွေအတွက် လိုအပ်တာတွေကိုလည်း စဉ်းစားပြီးမှ လှူဖြစ်တယ်လို့ ဆိုပါတယ်။

‘’ဒီနေ့ ကိုယ်တတ်နိုင်သလောက်လုပ်ခဲ့တဲ့အလုပ်ကလေး။ ဒီနေ့ သူငယ်ချင်း ခိုင်နှင်းဝေရဲ့ကလေးတွေဆီအထုတ်ကြီး၊အထုတ်ငယ်တွေမရင်းသွားတွေ့ဖြစ်ပါတယ်။ဒီကလေး ၂၁ ယောက်အတွက်လိုအပ်တာတွေစဉ်းစားယူရင်း....... ပထမသွားတာတော့ ချွေးသံရွှဲရွှဲမျက် နှာပြောင်နဲ့ပါ။ လမ်းရောက်မှ ညီမလေး ဖြူစင်ဆီ ကဖုန်းလာတော့မမဘယ်မှာရှိနေလဲ ဆိုတာနဲ့ ခိုင်နှင်းဝေကလေးလေးတွေဆီသွားနေတာ နောက်မှတွေ့ကြမယ်ပြောပေမယ့်၊ အဲဒါလေးလိုက်ရိုက်ချင်တယ် မမ လို့ပြောတာနဲ့ ကဲ ...ဒါဆိုလည်းလာခဲ့ဆိုပြီး တွေ့ဖြစ်ကြပါတယ် ။ကားပေါ်မိတ်ကပ်လေးတော့မျက်နှာကြည့်ကောင်းအောင်ပြင်ရသေးတာ’’လို့ ဆက်လက်ရေးသားခဲ့ပါတယ်။

Photo: Su Pan htwar

ဆုပန်ထွာနဲ့ ခိုင်နှင်းဝေ တို့ အနုပညာသူငယ်ချင်း နှစ်ဦးကို လွန်ခဲ့တဲ့ ၁၀ စုနှစ်အကျော်ကတည်းက ရုပ်ရှင်ဇာတ်ကား၊ ဗီဒီယို ဇာတ်ကားတွေ ကနေတဆင့် ပရိသတ်တွေ အားပေးလာကြတာဖြစ်ပါတယ်။ လက်ရှိမှာတော့ ဆုပန်ထွာဟာ မိသားစုကိုလည်း အချိန်ပေးဖြစ်နေသလို အနုပညာအလုပ်တွေလည်း လုပ်နေရသူဖြစ်ပါတယ်။ ခိုင်နှင်းဝေကတော့ ပရဟိတအကျိုးတွေ သယ်ပိုးရင်း အနုပညာအလုပ်တွေလည်း ဆောင်ရွက်နေတာကို တွေ့ရပါတယ်။