ဇန်နဝါရီလထဲမှာ ကစားခဲ့တဲ့ ပွဲစဉ် ၈ ပွဲမှာ ၃ ပွဲရှုံးပြီး ၁ ပွဲသရေကျခဲ့ကာ အဆိုပါ ရှုံးပွဲတွေကတော့ စပါး၊ အာဆင်နယ်နဲ့ ဘုန်းမောက်အသင်းတို့နဲ့ ကစားခဲ့တဲ့ ပွဲစဉ်တွေဖြစ်ပါတယ်။

ဝုလ်၊ လက်စတာနဲ့ ဘုန်းမောက်တို့ကို ရှုံးနိမ့်ခဲ့သလို ဆောက်သမ်တန်ကိုလည်း အိမ်ကွင်းမှာ အနိုင်မရခဲ့ပါဘူး။ လက်ရှိမှာတော့ အဆင့် ၄ နေရာကို ရပ်တည်ထားနိုင်ပေမယ့် ထိပ်ဆုံးက လီဗာပူးအသင်းနဲ့ တစ်ပွဲပို ၁၁ မှတ်ထိ အမှတ်ပြတ်နေပါတယ်။

ဘုန်းမောက်ကို ၄ ဂိုးပြတ်ရှုံးခဲ့တဲ့ပွဲမှာတော့ နည်းပြဆာရီက ပွဲအပြီးမှာ ကစားသမားတွေကို အဝတ်လဲခန်းအတွင်း ၄၅ မိနစ်ခန့် စစ်ဆေးမေးမြန်း ပြောဆိုမှုတွေ ပြုလုပ်ခဲ့ပါသေးတယ်။ နောက်ဆုံးကစားခဲ့တဲ့ ဟတ်ဒါဖီးလ်နဲ့ပွဲမှာတော့ ၅ ဂိုးပြတ်ဖြင့် နိုင်ပွဲပြန်ရခဲ့ပြီး အသစ်ခေါ်ယူထားတဲ့ တိုက်စစ်မှူးဟီဂူအင်ကလည်း ၂ ဂိုးသွင်းယူကာ ၎င်းရဲ့ ပရီးမီးယားလိဂ် ပထမဆုံး ဂိုးတွေကို စတင်မြင်တွေ့ခဲ့ရပါတယ်။

ချဲလ်ဆီးအသင်းကတော့ လာမယ့်အပတ်မှာ မန်စီးတီးနဲ့ ပရီးမီးယားလိဂ် ပွဲကျပ်ကာလကို ဆက်လက် ဖြတ်သန်းရမှာဖြစ်ပြီး အဆိုပါပွဲစဉ်ပြီးနောက် မယ်လ်မိုအသင်းနဲ့ ယူရိုပါလိဂ် ရှုံးထွက်အဆင့်ကို ဆက်လက် ကစားရဖို့ ရှိနေပါတယ်။