ရန်ကုန်မြို့တော်ဝန် ဦးမောင်မောင်စိုးက တိုင်းဒေသကြီးလွှတ်တော်မှာ ပြောခဲ့တာပါ။
ဇေကမ္ဘာဝင်းနဲ့ မင်္ဂလာဒုံဥယျာဉ် အိမ်ယာ ဂိတ်ပေါက်တွေမှာ ယာဉ်ဖြတ်သန်းခ ကောက်ခံနေမှုကို ရန်ကုန်မြို့တော် စည်ပင်သာယာရေး ဥပဒေနှင့် အညီ တားမြစ်ဆောင်ရွက်မယ်လို့ ရန်ကုန်တိုင်းဒေသကြီး လွှတ်တော်အစည်းအဝေးကနေ သိရပါတယ်။

Photo - Yangon Region Government

ဇေကမ္ဘာဝင်းအတွင်းက မင်္ဂလာဒုံဥယျာဉ် အိမ်ယာဂိတ်ပေါက်တွေမှာ ယာဉ်ဖြတ်သန်းခ ကောက်ခံ နေမှုတွေနဲ့ ပတ်သက်ပြီး ရန်ကုန်မြို့တော် စည်ပင်သာယာရေး ဥပဒေနဲ့ အညီ တားမြစ်ဆောင်ရွက်မယ်လို့ ရန်ကုန်မြို့တော်ဝန် ဦးမောင်မောင်စိုးက ပြောလိုက်ပါတယ်။

“ကျွန်တော်တို့ စိစစ်ချက်များအရ ဇေကမ္ဘာဝင်း၊ မင်္ဂလာဒုံ ဥယျာဉ်အိမ်ယာ အတွင်းမှာ ယာဉ်ဖြတ်သန်းခများ ကောက်ခံလျက်ရှိတာကို တွေ့ရပါတယ်။ အသစ်ပြဌာန်းခဲ့တဲ့ ရန်ကုန်မြို့တော် စည်ပင်သာယာရေး ဥပဒေပုဒ်မ (၃၁၄)မှာ အခွန်အခများ စည်းကြပ် ကောက်ခံခြင်းဆိုင်ရာ တားမြစ်ချက်ရဲ့ ပုဒ်မခွဲ(က)တွင် မည်သူမျှ ကော်မတီက တာဝန်ပေးအပ်ခြင်း မရှိဘဲ မြို့တော် နယ်နမိတ်အတွင်း စည်ပင်သာယာ ဆိုင်ရာ အခွန်၊အခများ ကောက်ခံခြင်း မပြုရလို့ ပြဌာန်းထားပါတယ်။ ဒီ့အတွက်ကြောင့် ဇေကမ္ဘာဝင်း ၊ မင်္ဂလာဒုံဥယျာဉ် အိမ်ယာဂိတ်ပေါက်များတွင် ယာဉ်ဖြတ်သန်းခ ကောက်ခံနေမှုကို ရန်ကုန်မြို့တော် စည်ပင်သာယာရေး ဥပဒေနဲ့ အညီ တားမြစ် ဆောင်ရွက်သွားမှာ ဖြစ်ပါတယ်။”လို့ ရန်ကုန်မြို့တော်ဝန်က လွှတ်တော်မှာ ပြောခဲ့တာပါ။

Photo - Yangon Region Government

ဖေဖော်ဝါရီလ ၁၈ ရက်နေ့မှာကျင်းပတဲ့ ဒုတိယအကြိမ်၊ ရန်ကုန်တိုင်းဒေသကြီး လွှတ်တော်၊ အဋ္ဌမပုံမှန် အစည်းအဝေးမှာ မြောက်ဥက္ကလာမြို့နယ် မဲဆန္ဒနယ်အမှတ် (၁) လွှတ်တော်ကိုယ်စားလှယ် ဦးဇော်လွင်ရဲ့ မေးမြန်းချက်ကို ပြန်လည်ဖြေကြားခဲ့တာလည်း ဖြစ်ပါတယ်။

ရွှေပေါက်ကံမြို့သစ် ရပ်ကွက်၊ အဓိကဝင်ပေါက်၊ ထွက်ပေါက်များဖြစ်တဲ့ ဗိုလ်တေဇလမ်း (A1) ထိပ်ဂိတ်၊ မင်္ဂလာဒုံ ဥယျာဉ် အိမ်ယာဂိတ်၊ အိုးအိမ်ဂိတ်နဲ့ ညောင်ရမ်းလမ်းထိပ် တွေမှာ စည်းကမ်းမဲ့စွာ ကားဖြတ်သန်းခ ငွေကြေးတွေ ကောက်ခံနေမှုကို စစ်ဆေးတားမြစ်ရန် အစီအစဉ်ရှိ၊ မရှိကို သိလိုပကြောင်း ရန်ကုန်တိုင်းဒေသကြီး လွှတ်တော်အစ်းအဝေးမှာ မေးမြန်းခဲ့ပါတယ်။

Share

Loading Next Article...
က္က