mid-ranger တွေ 5G ပါတော့မလား

Samsung Galaxy A90 5G ကတော့ Galaxy A-series ထဲမှာ ပရီမီယံအကျဆုံး ဖုန်းဖြစ်မှာပါ။

ထွက်ရှိမယ့်ရက် မသိရသေးပေမယ့် ဒီဖုန်းအကြောင်း အင်စတိတာနက်ပေါ်မှာ သတင်းတွေ ပျံ့နေပါတယ်။ Galaxy A90 5G ဗူးနဲ့တကွ တက်လာတဲ့ ပုံကတော့ ဖုန်းရဲ့ ဒီဇိုင်းတင်မဟုတ်ဘဲ အဓိကကျတဲ့ spec တွေပါ ပါလာတာပါ။


Photo: Android Central


SlashLeaks ကနေ တင်ထားတဲ့ Galaxy A90 5G ဖုန်းပုံမှာ Infinity U display သုံးထားတာ တွေ့ရပြီး စတိန်းလတ်စတီး ဖရိမ်ကွပ်ထားတဲ့ပုံ ဖြစ်နေပါတယ်။ အဖြူရောင်ကာလာနဲ့လာပြီး ကျောဘက် panel ဟာ မှန်သား ဖြစ်ဖို့များပါတယ်။

ထောင်လိုက် ကင်မရာ ၃ လုံးတွဲ စနစ်ကိုလည်း ကျောဘက်မှာပဲ တွေ့ရပြီး fingerprint scanner မမြင်ရလို့မှန်ပြင်အောက်မှာ လက်ဗွေထားတဲ့ စနစ်ကို သုံးသွားမလား စောင့်ကြည့်ရမှာပါ။ ကင်မရာ သုံးလုံးတွဲမှာ ပင်မ ကင်မရာအဖြစ် သုံးမယ့် ကင်မရာဟာ 48MP ကင်မရာ ဖြစ်ပြီး 5MP နဲ့8MP ကင်မရာ သုံးလုံး သုံးမယ်လို့India Today ဝက်ဘ်ဆိုက်က ဆိုပါတယ်။

RAM 6GB/128GB storage နဲ့processor မှာ Snapdragon 855 SoC ကို သုံးသွားဖို့ရှိနေပါတယ်။ Galaxy A90 5G ဟာ နာမည်အတိုင်းပဲ 5G ကွန်ရက် ချိတ်ဆက်နိုင်မယ့် ဖုန်းဖြစ်လို့5G modem ဖြစ်တဲ့ X50 modem ပါလာဖို့ရှိပါတယ်။ ဘက်ထရီပါဝါဟာ Galaxy Note 10+ လိုမျိုး 45W support ပေးမယ့် 4500 mAh ဘက်ထရီ ဖြစ်ဖို့ရှိပါတယ်။


Photo: droidholic

သတင်းတွေမှာတော့ Galaxy A90 5G ဟာ မျက်နှာပြင် ၆.၇ လက်မ Super AMOLED display နဲ့32MP selfie ကင်မရာ သုံးသွားဖို့ရှိတယ်လို့ဆိုပါတယ်။ Galaxy A90 အနေနဲ့4G standard ဗားရှင်းကိုလည်း အိန္ဒိယမှာ ဖြန့်ချိသွားဖို့ရှိပြီး အခုထိတော့ တရားဝင် အတည်ပြုချက် ထွက်မလာသေးပါဘူး။

Share

Loading Next Article...
က္က