လတ်တလော ဘောလုံးပရိသတ်တွေကြားထဲမှာ ရေပန်းစားနေတဲ့ ကစားသမားတယောက်ကတော့ နယူးကာဆယ်တိုက်စစ်ကစားသမား စိန့်မက်ဆီမင်ပါပဲ။ ဒီကစားသမားက လက်ရှိရာသီအဖွင့်ကာလမှာ တော်တော်လေး ခြေစွမ်းပြနေပြီး နယူးကာဆယ်ကလည်း အခုထိ ပရီးမီးယားလိဂ်မှာ ရှုံးပွဲမရှိသေးပါဘူး။
နယူးကာဆယ်တို့ ဘယ်လောက်အထိ ကောင်းခဲ့လဲဆိုရင် မန်စီးတီးတောင်မှ အသည်းအသန် သရေကျအောင် လိုက်ကစားခဲ့ရတာပါ။ နောက်ပြီး အဲ့ဒီပွဲမှာ စိန့်မက်ဆီမင်က မန်စီးတီးနောက်တန်းတတန်းလုံးကို ငရဲပြည်ရောက်သွားသလို ခံစားစေခဲ့ပြီး အသင်းရဲ့ သွင်းဂိုးနှစ်ဂိုးအတွက်လည်း ဖန်တီးပေးခဲ့ပါတယ်။ ဒီကစားသမားက နောက်ဆုံးကစားခဲ့တဲ့ ဝုလ်ဗ်နဲ့ပွဲမှာလည်း လှပကောင်းမွန်တဲ့ ဗော်လီကန်ချက်နဲ့ အဖိုးတန်ချေပဂိုး သွင်းပေးခဲ့ပါသေးတယ်။
မက်ဆီမင်ဟာ ပြီးခဲ့တဲ့ရာသီတွေတည်းက နယူးကာဆယ်တိုက်စစ်အတွက် အရေးပါတဲ့ ကစားသမားဖြစ်ခဲ့တာပါ။ ဒါပေမယ့် သူ့ရဲ့ခြေစွမ်းပိုင်းမတည်ငြိမ်တာ၊ ဒဏ်ရာမကြာခဏရခဲ့တာတို့ကြောင့် တောက်ပသင့်သလောက် မတောက်ပခဲ့ပါဘူး။ အခု ဒီရာသီမှာတော့ မက်ဆီမင်က တည်ငြိမ်တဲ့ခြေစွမ်းတခုကို ပြသနေပြီး ကာတာကမ္ဘာ့ဖလားကို သွားရောက်ခွင့်ရဖို့ ရေပန်းစားလာခဲ့ပါပြီ။
မန်စီးတီးနည်းပြဂွါဒီယိုလာကိုယ်တိုင်က တကယ်ကို အန္တရာယ်များတဲ့ ကစားသမားအဖြစ် တင်စားခဲ့ပြီး သူ့ရဲ့ ခန္ဓာကိုယ်ကြံ့ခိုင်မှု၊ ရုန်းအား၊ တိုးအားနဲ့ ကျွမ်းကျင်မှုတွေက ပြိုင်ဘက်နောက်ခံလူတွေအတွက် တကယ့်ကို အိပ်မက်ဆိုးပါပဲ။ ပရိသတ်တွေကလည်း သူ့ကို ပြင်သစ်လက်ရွေးစင်အသင်းမှာ ရွေးချယ်ဖို့အထိ တိုက်တွန်းလာခဲ့ပါပြီ။
မက်ဆီမင်က “ကျနော့်စိတ်ထဲမှာ တခုတည်းရှိပါတယ်။ ဒါကတော့ ကာတာကမ္ဘာ့ဖလားပါ” လို့ ပြင်သစ်လက်ရွေးစင်အိပ်မက်နဲ့ပတ်သက်လို့ ပွင့်ပွင့်လင်းလင်းပြောကြားခဲ့ပါတယ်။ နည်းပြဒက်ချမ့်စ်ကိုယ်တိုင်လည်း မက်ဆီမင်ရဲ့ဲ်ုင်လည်း မက်ဆဲ့ပါတယ်။ နည်းပြဒက်ချမ့်စ်ကိုာက် မတောက်ပခအနေအထားကို စောင့်ကြည့်နေမှာ သေချာပါတယ်။ ပရိသတ်တွေကတော့ မက်ဆီမင်ကိုမရွေးရင်ဘဲ ပြင်သစ်တို့ ကာတာကမ္ဘာ့ဖလားကို သွားမကန်သင့်တော့သလိုပါ တွန်းအားပေးနေကြပါပြီ။ တကယ်တမ်းမှာလည်း မက်ဆီမင်က ပရိသတ်တွေရဲ့ ယုံကြည်မှုရအောင်ကို ခြေစွမ်းပြခဲ့တာပါ။ ဒီတော့ မက်ဆီမင်ရဲ့အိပ်မက်တွေ၊ ပရိသတ်တွေရဲ့ဆန္ဒတွေ အမှန်တကယ်ပြည့်ဝလာမလား စောင့်ကြည့်ရတော့မှာဖြစ်ပါတယ်။