ဒီလိုအောင်မြင်မှုရရှိခဲ့ပေမယု့် မန်စီးတီးကတော့ ဆိုခဲ့တဲ့အတိုင်း တပ်ဆင်နိုင်ဦးမှာ မဟုတ်ပါဘူး။ မန်စီးတီးပရိသတ်တွေက လာမယ့်ရာသီ သူတို့အသင်းဂျာစီပုံစံကို ပြသခဲ့ရာမှာ winner badge ပါဝင်ခဲ့လို့ ပြန်လည်ရှင်းပြနေရတာလည်း ဖြစ်ပါတယ်။ ပြီးခဲ့တဲ့နှစ်တွေမှာ အနိုင်ရခဲ့တဲ့ ရီးရဲလ်မက်ဒရစ်နဲ့ လီဗာပူးလ်တို့အပါအဝင် အခြားအသင်းတွေမှာတော့ အဆိုပါတံဆိပ်ကို တပ်ဆင်ထားခဲ့တာကိုတော့ အားလုံးမြင်တွေ့ခဲ့ကြရပါတယ်။ 

မန်စီးတီးတပ်ဆင်ခွင့်မရသေးတဲ့ အကြောင်းရင်းကတော့ ချန်ပီယံလိဂ်ဖလားကို တကြိမ်တည်းသာ ရယူနိုင်တဲ့ အသင်းတွေဆိုရင် တပ်ဆင်ခွင့်မပေးထားတာကြောင့်ဖြစ်တယ်လို့ Mirror က ဖော်ပြခဲ့ပါတယ်။ ဥရောပမှာတော့ အဆိုပါတံဆိပ်ကို တပ်ဆင်ခွင့်ရထားတဲ့ အသင်းက အနည်းငယ်သာ ရှိပါတယ်။ 

ယူရိုပါလိဂ်မှာလည်း ဆီဗီလာကို သူတို့ရဲ့ ယူရိုပါလိဂ်အောင်မြင်မှုကြောင့် ခွင့်ပြုပေးထားခဲ့ပါတယ်။ မန်ချက်စတာယူနိုက်တက်၊ အင်တာမီလန်၊ ချယ်လ်ဆီးတို့လို အသင်းတွေအနေနဲ့ ချန်ပီယံလိဂ် winning badge တပ်ဆင်ခွင့်ရဖို့ဆိုရင် ဆုဖလားကို ၂ ကြိမ်စီ ထပ်မံရယူနိုင်ဖို့ လိုအပ်နေပါသေးတယ်။ မန်စီးတီးဆိုရင်လည်း ၃ နှစ်ဆက်တိုက် ဒါမှမဟုတ် နောက်ထပ် ၄ ကြိမ် ရယူဖို့ လိုအပ်နေဦးမှာဖြစ်ပါတယ်။