အဲ့ဒါကြောင့် မက်ဆီရသင့်တယ်၊ ဟာလန်းရသင့်တယ် အငြင်းပွားနေကြပြီး ဂွါဒီယိုလာကလည်း ဒါနဲ့ ပတ်သက်လို့ အခုလိုမျိုး ဖွင့်ဟခဲ့တာပါ။ သတင်းထောက်ရဲ့ မေးခွန်းအပေါ် ဂွါဒီယိုလာက “ဟားဟား၊ ခင်ဗျားက ရယ်ရတဲ့သူပဲဗျ။ ကျွန်တော် အမြဲတမ်း ပြောခဲ့တာတစ်ခုရှိပါတယ်။ ဘလွန်းဒီအော်မှာ အပိုင်းနှစ်ပိုင်းရှိတယ်ဆိုပြီးတော့ပေါ့”

“ဟာလန်းရော၊ မက်ဆီရော နှစ်ယောက်စလုံးက ဘလွန်းဒီအော်ဆုနဲ့ ထိုက်တန်ပါတယ်။ ဒီတော့ ကျွန်တော် ဘာပြောနိုင်မှာလဲ”​ လို့ ပြောကြားသွားခဲ့ပါတယ်။ မက်ဆီဟာ ဂွါဒီယိုလာစင်တင်ပေးခဲ့တဲ့ ကစားသမားဖြစ်ပြီး ဘာစီလိုနာမှာ မက်ဆီက ဂွါဒီယိုလာအတွက် အထိမခံခဲ့တဲ့ ကစားသမားလည်း ဖြစ်ခဲ့ပါတယ်။