လစ်ဗာပူးလ်ကစားသမားဟောင်းတဦးပဲဖြစ်တဲ့ ဂျာမိန်းပီးနန့်က ဆော်ဒီကလပ် အယ်လ်အီတီဖတ်က လစ်ဗာပူးလ်ကွင်းလယ်လူ ဂျော်ဒန်ဟန်ဒါဆန်ကို တပတ်လုပ်ခ ပေါင် ၇ သိန်းအထိ ပေးချေမယ်ဆိုတဲ့အပေါ် လှောင်ပြောင်လိုက်ပါတယ်။ ဟန်ဒါဆန်ကတော့ ဆော်ဒီကလပ်ကို ပြောင်းရွှေ့ဖို့ရ​ာ သဘောတူညီထားပြီး ဖြစ်ပါတယ်။ လက်ရှိမှာ အသင်းနှစ်သင်းကြား ပြောင်းရွှေ့ကြေးညှိနှိုင်းနေပြီး အင်္ဂလန်ကလပ်က ပေါင် ၁၀ သန်းအထိ တောင်းဆိုထားပါတယ်။ 

လီဗာပူးလ်နည်းပြ ယာဂင်ကလော့ပ်ကလည်း ဟန်ဒါဆန်နဲ့ တွေ့ဆုံဆွေးနွေးခဲ့ပြီး အသင်းကထွက်ခွာခွင့်ပေးဖို့အတွက် မီးစိမ်းပြခဲ့ပြီး ဖြစ်ပါတယ်။ အသက် ၃၃ နှစ်အရွယ် အင်္ဂလန်ကွင်းလယ်လူဟာ လီဗာပူးလ်အသင်းခေါင်းဆောင်အဖြစ်နဲ့ ရနိုင်သမျှ ဆုဖလားအားလုံးကို ကိုင်မြှောက်နိုင်ခဲ့သူလည်း ဖြစ်ပါတယ်။