Myanmar Idol Season 3 ရဲ့ Winner ဆုရှင် ဖြိုးမြတ်အောင်က ဟင်္သာတဂုဏ်ဆောင် ဂီတမျိုးဆက်ဆုကို ရရှိခဲ့တယ်လို့ သိရပါတယ်။ အဲ့ဒီဆုကို ဟင်္သာတအသင်းကနေ ဂုဏ်ပြုချီးမြှင့်ခဲ့တာ ဖြစ်ပါတယ်။
Photo : ဖြိုးမြတ်အောင် Fan Group
Myanmar Idol Season 3 ရဲ့ Winner ဆုရှင် ဟင်္သာတသားလေး ဖြိုးမြတ်အောင်ဟာ ဟင်္သာတအသင်းက ချီးမြှင့်တဲ့ ဟင်္သာတဂုဏ်ဆောင် ဂီတမျိုးဆက်ဆုကို ချီးမြှင့်ခြင်း ခံခဲ့ရပါတယ်။ ထိုဆုကို ဟင်္သာတအသင်းဥက္ကဌဖြစ်တဲ့ အလင်္ကာကျော်စွာ ဟင်္သာတမြင့်ငွေကိုယ်တိုင် ချီးမြှင့်ခဲ့တယ်လို့ သိရပါတယ်။
Photo : ဖြိုးမြတ်အောင်
ဖြိုးမြတ်အောင် ဆုရရှိခဲ့တဲ့ အကြောင်းကိုုလည်း သူ့ရဲ့ Fans Group ရဲ့ Admin ထက်ဝေဖြိုးက Group မှာ ပြောပြထားတာပါ။ ဟင်္သာတဂုဏ်ဆောင် ဂီတမျိုးဆက်ဆုကို ရရှိတဲ့ ဖြိုးမြတ်အောင်အတွက် သူ့ရဲ့ ပရိသတ်တွေလည်း ဝမ်းသာပီတိဖြစ်နေကြပါတယ်။ ဖြိုးမြတ်အောင်က လက်ရှိမှာ ပွဲတွေ တော်တော်များများ တက်ဖြစ်နေပြီး သူ့ရဲ့ တစ်ကိုယ်တော် အခွေအတွက်လည်း ပြင်ဆင်နေတယ်လို့ သိရပါတယ်။
Photo : ဖြိုးမြတ်အောင်
အခွေအတွက် ပြင်ဆင်နေရင်း ကြော်ငြာ တွေရိုက်ကူးဖြစ်နေတဲ့ သူ့ကို ပရိသတ်တွေက သရုပ် ဆောင် တစ်ယောက်အဖြစ် မြင်တွေ့ချင်နေကြပါတယ်။ ဖြိုးမြတ်အောင် အနေနဲ့ကလည်း သူကျွမ်းကျင်တဲ့ အဆိုပိုင်းကို ပိုပြီး အားစိုက် လုပ်ချင်ကြောင်း ယခုလို ပြောပြခဲ့ပါတယ်။
"သရုပ်ဆောင် လုပ်ဖို့တော့ အစီအစဉ်မရှိပါဘူ။ ကြော်ငြာလေးတွေကတော့ ကျွန်တော့်မိသားစုနဲ့ အဆက်အသွယ်မပြတ်အောင် လုပ်နေ တာပါ။ ရုပ်ရှင်သရုပ်ဆောင် လုပ်ဖို့ကတော့ ကျွန်တော့် အနေအထားနဲ့ ဖြစ်မှာမဟုတ်ပါဘူး။ ပြီးတော့ ကျွန်တော်က သီချင်းဆိုတဲ့ သူတစ် ယောက်ဆိုတော့ သီချင်းပဲ ဆိုမှာပါ။ ကမ်းလှမ်းလာခဲ့ရင်လည်း သရုပ်ဆောင် မလုပ်ပါဘူး။ကိုယ်ဆိုတဲ့ အပိုင်းကိုမှ ကိုယ်မရောက်သေးဘူးလေ။ ကြိုးစားရဦးမယ်။ သရုပ်ဆောင်ဘက်ကူးပြီးဆိုရင် ကျွန်တော့်မှာ ဟိုမရောက်ဒီမရောက်နဲ့ အလယ်မှာ မျောက်သစ်ကိုင်းလွတ်သလို ဖြစ်နေ မှာပေ့ါ" လို့ နိုဝင်ဘာ(၄) ရက်နေ့က ပြုလုပ်ခဲ့တဲ့ စိန်နန်းတော်ပွဲမှာ ဖြိုးမြတ်အောင်က မီဒီယာတွေကို ပြောခဲ့ဖူးပါတယ်။
Photo : ဖြိုးမြတ်အောင်
အနုပညာအလုပ်အပြင် ပရဟိတအလုပ်တွေကိုပါ ဦးစားပေး လုပ်ကိုင်တတ်တဲ့ ဖြိုးမြတ်အောင်က ဘာသာရေး ကိုင်းရှိုင်းသူ တစ်ယောက်လည်း ဖြစ်ပါတယ်။ ပြိုင်ပွဲပြီးကတည်းက ဘာသာရေးနဲ့ ပတ်သက်ပြီး အားသွန်ခွန်စိုက်လုပ်ကိုင်လျက်ရှိတဲ့ ဖြိုးမြတ်အောင်ဟာ အလုုပ်တွေ ရှုပ်နေတဲ့ အချိန်မှာတောင် ဘာသာရေးနဲ့ ပတ်သက်ပြီး ပုံမှန်လုပ်ဖြစ်နေတယ်လို့ သိရပါတယ်။