Yangon Water Busအနေနဲ့ ဒီဇယ်ဆီတွေကို ဝယ်ယူအသုံးပြုခဲ့ရာမှာ ဆီဖိုးအကြွေးကျန်ငွေ သိန်း(၇၀၀)ကျော်လောက်ကျန်ရှိနေပြီး အကြွေးတွေကို သတ်မှတ်ရက်အတွင်း မပေးချေပါက တရားစွဲသွားမယ်လို့ ဆီဆိုင်ကုမ္ပဏီဘက်က ကြေညာခဲ့ပါတယ်။ 

ဆီဆိုင်ကုမ္ပဏီဘက်က နိုင်ငံပိုင်သတင်းစာကနေတစ်ဆင့် အခုလိုကြေညာခဲ့တာဖြစ်ပြီး ကျန်ရှိတဲ့ အကြွေးတွေကိုတော့ ဖေဖော်ဝါရီ (၂၈)ရက်နေ့ နောက်ဆုံးထားပြီးပေးဖို့ ပြောထားတာလည်းဖြစ်ပါတယ်။ ဆီဆိုင်ကုမ္ပဏီဖြစ်တဲ့ Petro& Trans Group Of Co.Ltd မှာ Yangon Water Bus အနေနဲ့ ဒီဇယ်များကို ဝယ်ယူခဲ့သောလရဲ့ လကုန်ပြီး (၁၀)အတွင်းပေးသွင်းပါမယ်ဆိုပြီး ဝယ်ယူခဲ့ရာမှာ အခုချိန်ထိ အကြွေးကျန်ငွေကျပ်သိန်း (၇၀၀)ကျော်ကို မပေးသေးဘူးလို့ ကြေညာချက်မှာပါရှိပါတယ်။ 

၂၀၁၈ခုနှစ်ကတည်းက ဝယ်ယူအသုံးပြုထားတဲ့ ဆီကြွေးတွေဖြစ်ပြီး ကျန်ရှိတဲ့ အကြွေးများကို သတ်မှတ်ရက်အတွင်း မပေးချေပါက တရားစွဲ သွားမည်ဖြစ်ကြောင်းကို Yangon Water Bus ပြေးဆွဲတဲ့ Tint Tint Myanmar ကုမ္ပဏီပိုင်ရှင် ဒေါ်တင့်တင့်လွင်နဲ့ အများသိရှိနိုင်အောင်ဆိုပြီး ကုမ္ပဏီဘက်က အခုလိုကြေညာခဲ့တာပါ။