Photo : စိုးပြည့်သဇင် FB

"ခရီးသွားပါ.....ပြီးရင်နေရာလှလှလေးတွေမှာဓါတ်ပုံရိုက်ပါ.....ဒါကဘဝရဲ့အမှတ်တရလေးတွေပါဘဲ။ အသက်တွေကြီးသွားတဲ့ အခါအမှတ် တရဖြစ်တာပေါ့.။ပြီးရင်ဖေ့ဘွတ်မှာတင်ပါ....သူများတွေမျက်စိနောက်နေမှာဘဲဆိုပြီးတွေးပူမနေနဲ့ like ပေးပေး ha haပေးပေး.။အဲ့ဒါသူတို့အပိုင်း ကိုယ့်ပုံလေးတွေကိုယ့် wall ထဲမှာအမှတ်တရရှိနေဖို့ဘဲလိုတယ်" ဆိုပြီး သြဂုတ်လ(၃၁) ရက်နေ့က သူမရဲ့ ဖေ့စ်ဘွတ်မှာ ရေးသားထား တာဖြစ်ပါတယ်။

Photo : စိုးပြည့်သဇင် FB

မန္တလေးက ပရိသတ်တွေနဲ့လည်း စက်တာလ(၁) ရက်နေ့ တွေ့ဆုံဖို့အတွက် ပြောထားပါသေးတယ်။စိုးပြည့်သဇင်ဟာ လက်ရှိမှာ ခရီးတွေသွားနေသလို မကြာခင်မှာလည်း အမတွေနဲ့အတူ ပိုးထည်ဆိုင်ဖွင့်ဖို့အတွက် ပြင်ဆင်နေတယ်လို့ သိရပါတယ်။

Photo : စိုးပြည့်သဇင် FB

ပိုးထည်ဆိုင်အတွက် ဝန်ထမ်းတွေ ခေါ်နေတဲ့ စိုးပြည့်တို့ညီအစ်မ 

"မင်းသမီး"ပိုးထည်တိုက်လို့ နာမည်ပေးထားတဲ့စိုးညီအမတွေရဲ့ ပိုးထည်တိုက်ကိုတော့ အောက်တိုဘာလမှာ ဖွင့်မယ်လို့ သိရပါတယ်။ "မင်းသမီး" ဆိုတဲ့ နာမည်ကိုလည်း မကြီးစိုးက ပေးထားတာ ဖြစ်တယ်လို့ သိရပါတယ်။ ပိုးထည်ဆိုင်ဖွင့်ဖို့အတွက်ကိုလည်းညီအစ်မတွေ လုံးဝကို တက်တက်ကြွကြွနဲ့ အကောင်အထည်ဖော်နေကြတာ ဖြစ်ပါတယ်။

Photo : စိုးပြည့်သဇင် FB

အသက်(၂၅)နှစ်အရွယ် အနုပညာရှင်မလေး စိုးပြည့်ဟာ အသက်(၁၈)နှစ်အရွယ်နဲ့ အကယ်ဒမီရရှိခဲ့သူဖြစ်ပါတယ်။သူအကယ်ဒမီ ရရှိခဲ့တဲ့ ဇာတ်ကားကတော့ "မိုးညအိမ်မက်မြူ" ရုပ်ရှင်ဇာတ်ကားဖြစ်ပါတယ်။

စိုးပြည့်သဇင်ကတော့ သရုပ်ဆောင်ပိုင်းမှာသာမက အဆိုပိုင်းမှာလည်း ပရိသတ်အားပေးမှု ရရှိထားသူ တစ်ယောက်ဖြစ်ပါတယ်။ သီချင်းပိုင်း နဲ့ ပတ်သက်ပြီး ချစ်သူရွေးမယ် တေးစီးရီးနဲ့ အချစ်ကို ရှာဖွေတွေ့ရှိခြင်း ဆိုတဲ့ တေးစီးရီးများကို ထွက်ရှိထားသူ တစ်ဦး ဖြစ်ပါတယ်။