photo : ရွှေပိုးအိမ်
ရွှေပိုးအိမ်တစ်ယောက် ထီပေါက်လို့ ပျော်နေပါတယ်။ သူမတင်ပျော်တာမဟုတ်ပါဘူး သူမရဲ့ ပရိသတ်တွေလည်း ပျော်နေကြပါတယ်။ ရွှေပိုးအိမ်က ဒီနေ့ထွက်တဲ့ ထီမှာ ငါးသောင်းဆု ပေါက်ခဲ့တာပါ။ သူမက ငါးသောင်းဆုကို ဆ-၄၆ ဆိုတဲ့ နံပါတ်နဲ့ ပေါက်ခဲ့တာ ဖြစ်ပါတယ်။ ထီပေါက်တဲ့အတွက်လည်း သူမအရမ်းပျော်သလို ရတဲ့ဆုငွေကိုလည်း ပြန်လှူသွားမယ်လို့ ဆိုပါတယ်။
"ထီပေါက်တဲ့ ခံစားချက်ဆိုရင်တော့ ပျော်တယ်။ ပေါက်တဲ့ ပိုက်ဆံလေးကိုလည်း ပြန်လှူသွားမယ်။ ထီပေါက်တဲ့ ပိုက်ဆံကို သစ်တံခါးဆရာတော် ကျောင်းမှာ လှူမှာပါ။ အခုလည်း သစ်တံခါးကျောင်းမှာ အဓိဌာန်သုံးရက်ဝင်နေတာ နောက်ဆုံးနေ့မှာ ထီပေါက်တာဆိုတော့ ပျော်ပါတယ်" လို့ Duwun Media က ဖုန်းနဲ့ ဆက်သွယ်မေးမြန်းခဲ့ရာမှာ ဖြေဆိုပေးခဲ့တာပါ။
သူမအနေနဲ့လည်း နောက်ထပ် ထီတွေ ဆက်ထိုးသွားဖို့ရှိသလို ထီပေါက်ခဲ့ရင်လည်း အလှူအတန်းတွေ ဆက်လုပ်သွားမှာပါလို့ ဆိုပါတယ်။
photo : ရွှေပိုးအိမ်
ရွှေပိုးအိမ်ကို ဗီဒီယိုဇာတ်ကားတွေကနေတဆင့် ပရိသတ်တွေ စတင်သိရှိခဲ့ကြတာ ဖြစ်ပါတယ်။ သူ့အနေနဲ့ ဇာတ်ကားတော်တော်များများမှာ ဒုတိယမင်းသမီးနေရာကနေ အမြဲပါဝင်ခဲ့ရသူတစ်ဦးပါ။ အခုချိန်မှာတော့ ခေါင်းဆောင်မင်းသမီးတစ်ယောက်အဖြစ် ဇာတ်ကားတွေ ရိုက်ကူးနေရပြီလို့ သိရပါတယ်။ မီဒီယာကဏ္ဍတစ်ခုရဲ့ Sexy ပုံတွေကြောင့် ဝေဖန်မှုတွေအများကြီး ကြုံခဲ့ရတဲ့သူ့ကို ပရိသတ်တွေက ပိုသတိထားမိလာခဲ့တာဖြစ်ပါတယ်။ လတ်တလောမှာ တီဗီကြော်ငြာတွေလည်း ရိုက်ကူးနေတယ်လို့ သိရပါတယ်။