ဒီပွဲရဲ့ ထူးခြားချက်က MWC လိုမျိုး မိုဘိုင်းထုတ်ကုန်သီးသန့်မဟုတ်ဘဲ စမတ်တီဗွီ ၊ PC နဲ့အခြား နည်းပညာတွေပါ တစ်စုတစ်စည်းတည်း မြင်ရတာ ဖြစ်လို့ပိုပြီး စိတ်ဝင်စားဖို့ကောင်းပါတယ်။ IFA 2018 မှာတော့ Gaming products သစ်များ ၊ processor ချပ်စ်များနဲ့နည်းပညာမြင့် wireless နားကြပ်များပါ မိတ်ဆက်ထားပါတယ်။

Photo: Expert Reviews

နာမည်အပြည့်အစုံကတော့ Acer Predator Thronos ဂိမ်းထိုင်ခုံပါ။ အလိုအလျောက်စနစ်တွေနဲ့ချည်း ဖွဲ့စည်းထားပြီး တကယ့် ပရိုဂိမ်မာတွေ အကြိုက်တွေ့မယ့် ဂိမ်း set ပါပဲ။

၂၇ လက်မ မော်နီတာ ၃ လုံး ဆင်နိုင်ပြီး ၁၄၀ ဒီဂရီ လှည့်နိုင်တဲ့ ခုံ ဖြစ်သလို ခုံမှာကိုက ဂိမ်းနဲ့လိုက်ဖက်တဲ့ built-in တုန်ခါစနစ်တွေ ၊ LED မီးစနစ်တွေ ပါဝင်ပါတယ်။ ဈေးနှုန်းတော့ မကြေငြာထားပါဘူး။

(၂) Sony နဲ့wireless နားကြပ်

Photo: Digital Trends

Sony 1000XMK3 ဟာ ဆူညံသံ စစ်ထုတ်မှု အဆင့်မြှင့်တင်ထားတဲ့ နားကြပ်တစ်ခုပါ။ အရင်က နာမည်ကြီး 1000XMK2 ရဲ့ အဆက်ဖြစ်ပြီး ဖုန်းပြောတဲ့ အသံနဲ့ဆူညံမှုကို လျှော့ချတဲ့ နေရာမှာ ပိုပြီး အဆင့်မြင့်လာပါတယ်။ touch နဲ့ထိန်းချုပ်နိုင်တဲ့ စနစ် ပါလာသလို ညာဘက်ခြမ်းမှာ လက်ဖဝါးပြင်နဲ့noice-cancel စနစ်ကို ခဏ disable လုပ်နိုင်တဲ့ နည်းပညာလည်း ထည့်သွင်းထားပါတယ်။

ဒီနားကြပ်မှာ Google Assistant ခလုတ်ပါဝင်သလို ဘက်ထရီကလည်း Quick Charge ပံ့ပိုးမှု ပါဝင်လာပါတယ်။

(၃) Kirin 980 processorသစ်

Photo: Mashable

Kirin 970 SoC ထက် ဘက်ထရီသုံးစွဲမှုပိုင်းမှာ ၄၀% ပိုသက်သာပြီး performance အနေနဲ့ ၇၀%ပိုသွက်တဲ့ Huawei ရဲ့ processor သစ်ဖြစ်ပါတယ်။ ထူးခြားတာက ဒီ processor ဟာ ကမ္ဘာပေါ်မှာ ပထမဆုံး 7nm နည်းပညာနဲ့ထွက်လာတာပါ။ ဒီနည်းပညာကြောင့် ပိုမို ကျစ်လျစ်သေးငယ်ပြီး စွမ်းအင်စီမံမှုမှာ ထိရောက်မှု ပိုလာပါတယ်။

ဒီနည်းပညာကို အောက်တိုဘာလလယ်မှာ ကြေငြာသွားမယ့် Huawei Mate 20/ 20 Pro တို့မှာ စတင် အသုံးပြုသွားမှာပါ။

(၄) Samsung ရဲ့ ၈၅ လက်မ 8K QLED TV

Photo: Business Insider

တောက်ပမှု brightness level မှာ 4000 nits အထိ ရှိလာပြီး HDR10+ contents တွေ ပံ့ပိုးပေးနိုင်မယ့် TV ပါ။ အရင်က 4K TV လောက်ပဲ မြင်ရကြားခဲ့ရတာ ကနေ နည်းပညာသိပ်မြင့်သွားချိန်မှာတော့ 4K ထက် pixel ၄ ဆပို ပါဝင်တဲ့ TV သစ်ကို Samsung က မိတ်ဆက်လိုက်တာလည်း ဖြစ်ပါတယ်။

AI ထိန်းချုပ်မှု စနစ်များ ပါဝင်ပြီး ရုပ်ထွက်နိမ့်တဲ့ contents တွေကိုတောင် TV ရဲ့ processor ကနေ 8K ကို သူ့အလိုလို မြှင့်ပေးသွားမှာပါ။ ကြိုးတစ်ချောင်းတည်းနဲ့အားသွင်းစနစ် ၊ ချိတ်ဆက်မှုစနစ်တွေ အစုံသုံးနိုင်မယ့် TV လည်း ဖြစ်ပါတယ်။

(၅) Sony Xperia XZ3

Photo: Mashable

လေးစားလောက်တဲ့ ဖုန်းတစ်ချို့ ဒီပွဲမှာ မြင်ခဲ့ရပါတယ်။ Sony Xperia XZ3 ကတော့ စိတ်ဝင်စားစရာ အကောင်းဆုံးလို့ပြောနိုင်ပါတယ်။ အထူးသဖြင့် Sony ရဲ့ သပ်ရပ်တောက်ပတဲ့ metal နဲ့Glass စပ် ဒီဇိုင်း ၊ Snapdragon 845 ရဲ့ အမြင့်စား လုပ်ဆောင်ချက် နဲ့လာတဲ့ ၆ လက်မ OLED panel သုံး ဒီဖုန်းဟာ Android 9.0 Pie တစ်ခါတည်း ပါဝင်လာတာက ထူးခြားပါတယ်။

ကင်မရာပိုင်းမှာ 19MP ကျောဘက် ကင်မရာတစ်လုံး တည်း သုံးလာတာက နည်းနည်း ကသိကအောက် နိုင်တယ်ဆိုပေမယ့် Sony ကင်မရာစနစ်ရဲ့ အဆင့်အတန်းကိုတော့ လျှော့တွက်လို့မရပါဘူး။ ဒီဖုန်းရဲ့ ဈေးနှုန်း မသိရသေးပေမယ့် ဒီလထဲမှာပဲ ကြေငြာသွားမှာပါ။