Photo: phoneworld

iPhone သုံးမျိုးမှာ အငယ်ဆုံးဆိုဒ်ဟာ လက်ရှိ iPhone X အတိုင်း မျက်နှာပြင် ၅.၈ လက်မရှိပြီး ၆.၅ လက်မ iPhone လိုမျို: OLED display သုံးသွားမှာပါ။ တန်ဖိုးအနည်းဆုံး မျက်နှာပြင် ၆.၁ လက်မဖုန်းကတော့ LCD display နဲ့လာပြီး ဖုန်းအားလုံးဟာ Touch ID fingerprint စနစ်အစား Face ID လုံခြုံေ့းစနစ်ကို သုံးသွားမယ်လို့ဆိုပါတယ်။ စိတ်ဝင်စားစရာတစ်ခုက မျက်နှာပြင် အကြီးစား မော်ဒယ် ၂ မျိုးက တစ်ချို့ဈေးကွက်တွေမှာ dual SIM နဲ့လာမယ်ဆိုတာပါပဲ။

မျက်နှာပြင် အကြီးဆုံး iPhone သစ်မှာတော့ app နှစ်ခုကို ဘေးတိုက်ယှဉ်ကြည့်နိုင်မယ့် View Content Side-by-Side စနစ်မျိုး သုံးနိုင်ဖို့ရှိပါတယ်။ ဒီအတွက် Mail နဲ့Calendar လိုု app ကို screen မှာ တစ်ပြိုင်နက်တည်း ကြည့်နိုင်ဖို့ရှိပါတယ်။

iPhone X Plus အဖြစ် သတင်းထွက်ထားတဲ့ မျက်နှာပြင် ၆.၅ လက်မ iPhone အတွက် OLED display များကို LG Display ကနေ ထုတ်လုပ်ပေးသွားမှာ ဖြစ်ပါတယ်။ iPhone X Plus ရဲ့ နောက်ထပ် ထူးခြားချက်က ပိုပြီး အားသွင်းရ မြန်ဆန်တဲ့ wireless fast charging စနစ် ပါမယ်ဆိုတာပါပဲ။

iPhone သစ်တွေနဲ့အတူ ဒီနှစ်မှာ watchOS 5 စနစ်သုံး Apple Watch Series 4 သစ်ကိုလည်း မိတ်ဆက်သွားမှာပါ။ တစ်ချို့သတင်းတွေမှာတော့ iPhone X စတိုင် Face ID သုံးသွားမယ်ဆိုတဲ့ iPad Pro သစ်ကိုလည်း ကြေငြာသွားမယ်လို့ဖော်ပြနေကြပါတယ်။

Photo: idownloadblog

၂၀၁၈ မော်ဒယ် iPhone တွေကို ကာလာစုံနဲ့ထုတ်သွားမယ်လို့Bloomberg မှာ ဖော်ပြထားပေမယ့် ဘယ်လိုအရောင်တွေ ဖြစ်မယ်ဆိုတာတော့ မပြောထားပါဘူး။ OLED iPhone သစ်နှစ်မျိုးဟာ အမြန်နှုန်း performance ပိုင်းနဲ့ကင်မရာစနစ် အဆင့်မြှင်တင်မှုတွေကို အသားပေး မိတ်ဆက်သွားဖို့လည်း ရှိပြီး ဈေးနှုန်း ဒေါ်လာ ၁၀၀၀ နဲ့အထက် ဖုန်းတွေ ဖြစ်မှာပါ။