မန်ချက်စတာယူနိုက်တက်အသင်းဟာ ကရာဘောင်ဖလားကွာတားဖိုင်နယ်အဆင့်မဲခွဲရာမှာ ကိုလ်ချက်စတာအသင်းနဲ့ တွေ့ဆုံနေခဲ့ပြီး အဲဗာတန်အသင်းကတော့ လက်စတာနဲ့ ယှဉ်ပြိုင်ကစားသွားရမယ်လို့ Daily Mail ရဲ့ဖော်ပြချက်အရ သိရပါတယ်။

ပထမတန်းအသင်းဖြစ်တဲ့ အောက်စ်ဖို့ဒ်ယူနိုက်တက်အသင်းကတော့ လက်ရှိချန်ပီယံ မန်ချက်စတာစီးတီးအသင်းနဲ့ တွေ့ဆုံနေပြီး ကျန်ပွဲစဉ် ၂ ပွဲကတော့ ပရီးမီးယားလိဂ်အသင်းတွေ အချင်းချင်း တွေ့ဆုံနေပါတယ်။

လီဗာပူးအသင်းဟာ အက်စ်တွန်ဗီလာအသင်းနဲ့ တွေ့ဆုံနေပြီး အဲဗာတန်အသင်းကတော့ လက်စတာစီးတီးအသင်းကို အိမ်ကွင်းမှာ လက်ခံယှဉ်ပြိုင်သွားရမယ်လို့ သိရပါတယ်။

ကရာဘောင်ဖလား ကွာတားဖိုင်နယ်အဆင့်ပွဲစဉ်တွေကို ဒီဇင်ဘာလ ၁၆ ရက်နေ့မှာ ကျင်းပသွားမယ်လို့ သိရပြီး အချိန်ကိုတော့ ဆွေးနွေးပြီးမှ သတ်မှတ်သွားမယ်လို့ သိရပါတယ်။ ကရာဘောင်ဖလားပြိုင်ပွဲကျင်းပသူတွေအနေနဲ့ လီဗာပူးအသင်းကို ပြိုင်ပွဲကနေ မထွက်ခွာစေချင်ဘူးဆိုရင် ပွဲချိန်ဇယားကို ပြန်လည်ညှိနှိုင်းဖို့ လိုအပ်မှာဖြစ်ပါတယ်။