မန်ဒီလက်စွမ်းပြမှုကြောင့် ဘရန့်ဖို့ဒ်တို့ ရှုံးပွဲတွေ့ခဲ့ရပါတယ်။

ချယ်လ်ဆီးနဲ့ပွဲမှာ မန်ဒီရဲ့လက်စွမ်းပြမှုကြောင့် ဘရန့််ဖို့ဒ်တို့ အနည်းဆုံးသရေတစ်မှတ်ရရှိမယ့် အခွင့်အရေးကို ဆုံးရှုံးခဲ့ရပြီး ၁-၀ နဲ့ ကပ်အရေးနိမ့်ခဲ့ရပါတယ်။ 


ချယ်လ်ဆီးကို အိမ်ကွင်းမှာ ကံဆိုးလို့သာ အရေးနိမ့်ခဲ့ရပေမယ့် သူ့အသင်းသားတွေဟာ ဘယ်အသင်းကိုမဆိုအနိုင်ယူနိုင်စွမ်းရှိတယ်ဆိုတဲ့ ယုံကြည်မှုမျိုးကို သူ ပေးထားတယ်လို့ ဘရန်ဖို့ဒ်နည်းပြသောမတ်စ်ဖရန့်က ပြောဆိုလိုက်ပါတယ်။ ချယ်လ်ဆီးနဲ့ပွဲမှာ မန်ဒီရဲ့လက်စွမ်းပြမှုကြောင့် ဘရန့််ဖို့ဒ်တို့ အနည်းဆုံးသရေတစ်မှတ်ရရှိမယ့် အခွင့်အရေးကို ဆုံးရှုံးခဲ့ရပြီး ၁-၀ နဲ့ ကပ်အရေးနိမ့်ခဲ့ရပါတယ်။ 



ဒီရာသီမှာ တန်းတက်လာခဲ့ပြီးနောက် အဖွင့်ပွဲမှာ အာဆင်နယ်လိုအသင်းကို ဂိုးပြတ်အနိုင်ယူခဲ့တဲ့နောက် ဘရန်ဖို့ဒ်အပေါ် စိတ်ဝင်စားသူတွေများပြားလာခဲ့ပါတယ်။ ပျားတွေလို့ နာမည်ပြောင်ရထားတဲ့ ဘရန်ဖို့ဒ်ဟာ လီဗာပူးလ်ကိုလည်း ၃ ဂိုးစီသရေကစားနိုင်ခဲ့ပြီး ချယ်လ်ဆီးနဲ့ပွဲမတိုင်ခင် ပရီးမီးယားလိဂ်မှာ ရှုံးပွဲတစ်ပွဲတည်းသာ

တွေ့ထားကာ တန်းတက်အသင်းမှဟုတ်ပါလေစလို့ ထင်ရလောက်အောင် ခြေစွမ်းပြနိုင်ခဲ့ပါတယ်။ 

ဘရန်ဖို့ဒ်တိုက်စစ်မှူးဆာမန်ဂိုဒေါ့စ်က "ရူးသွပ်ဖို့ကောင်းတာကတော့ ဘယ်သူပဲကစားရပါစေ၊ ကျွန်တော်တို့က အနိုင်ကစားဖို့ပဲ ထွက်လာခဲ့တာပါ၊ သရေရဖို့အတွက် မျှော်လင့်ကစားတာမဟုတ်ပါဘူး၊ ကစားရခက်တဲ့ပွဲတစ်ပွဲဖြစ်လို့ သရေကျဖို့ဆိုတဲ့ မျှော်လင့်ချက်ကို ကျွန်တော်တို့မထားဘူး၊ နည်းပြကလညး် ကျွန်တော်တို့ကို စိတ်ခွန်အားပေးပြီး ကျွန်တော်တို့လုပ်နိုင်မယ်ဆိုတာကို ယုံကြည်ထားပါတယ်၊ ဘယ်ပွဲကိုမဆို ကျွန်တော်တို့ အနိုင်ကစားနိုင်မယ်ဆိုတာကို သူ ယုံကြည်ကြောင်း ပြောထားပါတယ်၊ ဘယ်အသင်းနဲ့ဖြစ်ဖြစ်ရင်ဆိုင်ရချိန်မှာပေါ့" လို့ ဆိုပါတယ်။
 


နည်းပြဖရန့်ကလည်း "ဥရောပချန်ပီယံနဲ့ ကျွန်တော်တို့ ကစားခဲ့ရတာပါ၊ ပရီးမီးယားလိဂ်ရဲ့ အဆင့်တစ်အသင်း၊ ကျွန်တော်တို့ အဝေးကန်သွင်းချက် ၅ ကြိမ်တောင်ရခဲ့တယ်၊ သူတို့မှာ ဘလွန်းဒီအောဆုရဖို့ စာရင်းပေါက်နေသူ ၅ ဦး ပါလာခဲ့တယ်၊ ဘယ်လောက်ရူးချင်စရာကောင်းလဲ၊ နိုင်ပွဲမရဖို့အတွက် အရမ်းကံဆိုးခဲ့တာပါ၊ ချယ်လ်ဆီးကလည်း ဒါကို အသိအမှတ်ပြုလိမ့်မယ်လို့ ထင်ပါတယ်" လို့ ပြောဆိုခဲ့ကြောင်း Daily Mail က ဖော်ပြခဲ့ပါတယ်။ 

Share

က္က