မိနစ် ၉၀ မှာ အနိုင်ဂိုးသွင်းတာ ၃ပွဲရှိသွားခဲ့ပါပြီ။

ယူနိုက်တက်အတွက် ချန်ပီယံလိဂ်သမိုင်းမှာ ဒုတိယမြောက်အသက်အကြီးဆုံး ဂိုးသွင်းသူအဖြစ် မှတ်တမ်းဝင်ခဲ့တဲ့ ရော်နယ်ဒိုက အခြားမှတ်တမ်းတစ်ခုကိုလည်း လိုက်မီခဲ့တာဖြစ်ပါတယ်။ 


ဗီလာရီးရဲလ်နဲ့ပွဲမှာ ယူနိုက်တက်အတွက် အဖိုးတန်အနိုင်ဂိုးကို သွင်းယူပေးခဲ့ပြီးနောက် ရော်နယ်ဒိုုဟာ မိနစ် ၉၀ အနိုင်ဂိုးသွင်းရှင်အဖြစ် မန်စီးတီးတိုက်စစ်မှူးဟောင်းအဂူရိုရဲ့ စံချိန်မှတ်တမ်းကို လိုက်မီသွားခဲ့ပြီဖြစ်ပါတယ်။ ယူနိုက်တက်အတွက် ချန်ပီယံလိဂ်သမိုင်းမှာ ဒုတိယမြောက်အသက်အကြီးဆုံး ဂိုးသွင်းသူအဖြစ် မှတ်တမ်းဝင်ခဲ့တဲ့ ရော်နယ်ဒိုက အခြားမှတ်တမ်းတစ်ခုကိုလည်း လိုက်မီခဲ့တာဖြစ်ပါတယ်။ 

ဗီလာရီးရဲလ်ရဲ့ ဦးဆောင်ဂိုးသွင်းယူခြင်းကို ခံခဲ့ရတဲ့ ယူနိုက်တက်ဟာ ဖာနန်ဒက်စ်ရဲ့ အဲလက်စ်တဲလက်စ်တို့ရဲ့ ပူးပေါင်းမှုကတဆင့် တဲလက်စ်က လှပတဲ့ကန်သွင်းချက်နဲ့ ချေပဂိုးရယူပေးခဲ့ပါတယ်။ ဒါပေမယ့် နာကျင်အချိန်ပိုရောက်လာချိန်ထိ အနိုင်ဂိုးရဖို့ ယူနိုက်တက်တို့ ရုန်းကန်နေခဲ့ရကာ တရစပ်တိုက်စစ်ဆင်နေမှုတွေက ဗီလာရီးရဲလ်ခံစစ်ကို မကျော်ဖြတ်နိုင်ဘဲ ရှိခဲ့ပါတယ်။ 


ဒါပေမယ့် နောက်ဆုံးအပိုင်းအခြားမှာတော့ လင်ဂတ်ရဲ့ ဧရိယာတွင်း ဖန်တီးပေးမှုကနေ ရော်နယ်ဒိုက ညာခြမ်းကနေ ထောင့်ဖြတ်အနေအထားနဲ့ ကန်သွင်းခဲ့ရာမှာ ဗီလာရီးရဲလ်ဂိုးသမား လက်နဲ့ထိခဲ့ပြိးမှ ဂိုးထဲဝင်သွားခဲ့လို့ အနိုင်ဂိုးရရှိခဲ့တာဖြစ်ပါတယ်။ ဒီအတွက်ကြောင့် ချန်ပီယံလိဂ်မှာ ရော်နယ်ဒိုက မိနစ် ၉၀ မှာ အနိုင်ဂိုးသွင်းယူနိုင်မှု ၃ ပွဲအထိရှိသွားခဲ့ပြီး အဂူရိုနဲ့ တူညီသွားခဲ့တာဖြစ်ပါတယ်။ 

ပွဲအပြီးမှာလည်း ယူနိုက်တက်နည်းပြဆိုးလ်ရှားက ရော်နယ်ဒိုကို ချီးကျူးမှုတြွေ့ပုလုပ်ခဲ့ပါတယ်။ ကွင်းအတွင်းမှာ ရော်နယ်ဒိုသာ ရှိမယ်ဆိုရင် အခွင့်အရေးတစ်ကြိမ်က အမြဲတမ်းလိုလိုရှိနေမယ်လို့ သူယုံကြည်ကြောင်းပြောဆိုခဲ့တာပါ။ "ကွင်းထဲမှာ ရော်နယ်ဒိုရှိနေတယ်ဆိုရင် အမြဲတမ်းအခွင့်အရေးရှိနေပါတယ်၊ သူက ဂိုးပေါက်ရှေ့မှာဆိုရင် အရမ်းကောင်းတဲ့ ကစားသမားပါ" လို့ ဆိုးလ်ရှားက ပြောခဲ့ကြောင်း Goal.com က ဖော်ပြခဲ့ပါတယ်။


အဖွင့်ပွဲမှာ ယန်းဘွိုင်းကိုအရေးနိမ့်ခဲ့တဲ့ ယူနိုက်တက်အတွက်တော့ ဒီပွဲအနိုင်ရခဲ့လို့ အသက်ရှူချောင်သွားခဲ့ပြီး အုပ်စုအဆင့်က လွတ်မြောက်ဖို့ မျှော်လင့်ချက်ရှိလာခဲ့ပြီဖြစ်ပါတယ်။ 

Share

က္က