သူမရဲ့ အချစ်ရေးနဲ့ ပတ်သက်ပြီး ပရိသတ်တွေကို အမြဲတမ်း ပွင့်ပွင့်လင်းလင်းပြောပြတတ်တဲ့ သရုပ်ဆောင် မြတ်သူကတော့ ချစ်သူများနေ့မှာ ချစ်ခင်ပွန်းလောင်းဆီက သိန်းတစ်ထောင်နဲ့ Surprise လုပ်တာ ခံလိုက်ရပါတယ်။

ချစ်သူများနေ့မှာ တစ်နေကုန်ပစ်ထားပြီး ညနေဘက်ကျမှ အနုပညာမောင်နှမတွေရဲ့ ရှေ့မှာ သူမကို လက်ထပ်လက်စွပ်နဲ့ လက်ထပ်ခွင့်တောင်းခံခဲ့တာဖြစ်ပြီး ချစ်သက်လက်ဆောင်အဖြစ် ငွေကျပ် သိန်းတစ်ထောင် တိတိနဲ့ Surprise လုပ်ခဲ့တာ လည်း ဖြစ်ပါတယ်။

Photo : မြတ်သူသူ FB

ဗီဒီယိုဖိုင်ထဲမှာလည်း သူမကို အခုလိုမျိုး ငွေတွေ အများကြီးနဲ့ Surprise လုပ်ခဲ့တဲ့အတွက် အရမ်းကိုပျော်ရွှင် ရပေမယ့် ဒီလောက် ငွေအများကြီးကျတော့ မလိုချင်ဘူးဆိုပြီး ရိုးရိုးသားသားလေး ပြောခဲ့ပုံလေးက ပရိသတ်တွေရဲ့ အချစ်ကို ပိုလို့တိုးစေခဲ့ပါသေးတယ်။

Photo : Htet Zaw Aung

မြတ်သူဟာ သူမရဲ့ အချစ်ရေးနဲ့ပတ်သက်ပြီး ပရိသတ်တွေကို ၂၀၂၂ခုနှစ် နှစ်ကုန်လောက်မှာ အသိပေးခဲ့တာ ဖြစ်သလို အသိပေးပြီးနောက်ပိုင်းမှာ ဝေဖန်မှုတွေ ရှိခဲ့ပေမယ့် အခုချိန်မှာတော့ သူမရဲ့ အချစ်ရေးနဲ့ ပတ်သတ်ပြီး ပရိသတ်တွေ ရဲ့ အားပေးမှုကို ပြန်လည် ရရှိထားနေသူပါ။

မြတ်သူသူ ကို ပရိသတ်တွေက ဝိညာဉ်ရှိုက်သံ၊ ဝင်္ကပါစံအိမ်၊ ရတနာထဲကရတနာ စတဲ့ ရုပ်သံဇာတ်လမ်းတွဲတွေကနေတဆင့် ပရိသတ်တွေ စတင်သိရှိလာကြတာပါ။ အဲဒီနောက် ‘’ပျားရည်အိုင်’’ ရုပ်သံဇာတ်လမ်းတွဲထဲမှာ ‘’မြညို’’ ဆိုတဲ့ ဇာတ်ကောင်နဲ့ ပရိသတ်တွေ ပိုမိုအားပေးလာကြတာ တွေ့ရပါတယ်။ အခုချိန်ထိလည်း ရုပ်သံဇာတ်လမ်းတွဲတွေ ရိုက်ကူးရင်း ပရိသတ် အခိုင်အမာ ရရှိလာသူ ဆိုရင်လည်း မမှားပါဘူး။ လက်ရှိ MRTV-4 ကနေ ထုတ်လွှင့်နေတဲ့ "တို့ မမနဲ့ တို့" ရုပ်သံဇာတ်လမ်းတွဲမှာလည်း မြတ်သူသူက သန်းသန်းဆွေ ဆိုတဲ့ မိန်းကလေး တစ်ယောက်အဖြစ် ပါဝင်သရုပ်ဆောင်ထားတာ တွေ့ရပါတယ်။