ပြဿနာမဖြစ်ခင် ပြဿနာကိုကြိုပြောပါ

စုံတွဲတွေကြားမှာ ရုတ်တရက်ပေါ်တဲ့ စိတ်ဆိုးစရာပြဿနာတွေရှိတတ်ပေမယ့် ပြဿနာတော်တော်များများက အချိန်အတော်ကြာကြာ စိတ်ထဲမှာတနုံ့နုံ့ဖြစ်နေပြီးမှ ပေါက်ကွဲထွက်ပြီး စိတ်ဆိုးဒေါသဖြစ်ရတဲ့ပြဿနာမျိုးတွေပါ။ ဒါကြောင့် တစ်ယောက်နဲ့တစ်ယောက် စိတ်ထဲမှာမကျေနပ်တာတစ်ခုခုရှိနေရင် သည်းမခံနိုင်လောက်အောင်စိတ်ဆိုးလာတဲ့အချိန်ထိ မြုံမထားဘဲ အဲဒီပြဿနာကိုပွင့်ပွင့်လင်းလင်း ထုတ်ပြောလိုက်မယ်ဆိုရင် နာကြည်းစရာတွေမဖြစ်ရအောင် ကြိုတင်ရှောင်လွှဲ နိုင်မှာပဲ ဖြစ်ပါတယ်။

Photo: freepick.com

လက်ရှိပြဿနာကိုပဲ အာရုံစိုက်ပါ

အနိုင်ရဖို့အတွက် ရန်မဖြစ်ပါနဲ့

စုံတွဲတွေရန်ဖြစ်ကြတယ်ဆိုတာ တစ်ယောက်နဲ့တစ်ယောက်ကြားမှာ မကျေလည်စရာပြဿနာရှိနေလို့ပါ။ ဒါကို မဖြေရှင်းဘဲ တစ်ယောက်နဲ့တစ်ယောက် သူ့ထက်ငါ စကားနိုင်လုနေမယ်ဆိုရင် ပြဿနာက ပြေလည်သွားစရာအကြောင်းမရှိပါဘူး။ ဒါကြောင့် ရန်ဖြစ်ကြတဲ့အခါ ဒေါသထွက်နေရင်တောင် ကိုယ့်ခံစားချက်နဲ့မကျေနပ်ချက်ကို ပွင့်ပွင့်လင်းလင်းဖော်ထုတ်ပြနိုင်ဖို့ ကိုပဲ အာရုံစိုက်သင့်ပါတယ်။

Photo: Markmanson

တစ်ယောက်ပြောတဲ့စကားကို တစ်ယောက်ကပြန်ပြောပေးပါ

ဒီအကြံပေးချက်က နည်းနည်းကြောင်တယ်လို့ထင်ရပေမဲ့ တကယ်အသုံးဝင်ပါတယ်။ ဥပမာ ကိုယ့်လက်တွဲဖော်က  " အပတ်တိုင်း အဝတ်တွေကိုငါချည်းပဲလျှော်နေရတယ် " လို့သင့်ကိုပြောတယ်ဆိုရင် "အပတ်တိုင်းအဝတ်တွေကို နင်ချည်းပဲ လျှော်နေရတယ်..လို့ပြောတာလား" လို့ပြန်ပြောပေးပါ။ ရွဲ့ပြောတဲ့လေသံမျိုးနဲ့မဟုတ်ဘဲ သူပြောတာကို သူကိုယ်တိုင် ပြန်သွားစေလိုတဲ့ရည်ရွယ်ချက်နဲ့ပြောဖို့တော့လိုပါတယ်။ ဒီလိုပြောပေးခြင်းဖြင့် သင့်လက်တွဲဖော်က စိတ်ထဲကမရည်ရွယ်ဘဲ ဒေါသအလျောက် ပြောမိတဲ့စကားဆိုရင် သူကိုယ်တိုင်ပြန်သတိပြန်ပြုမိသွားနိုင်သလို သင့်အနေနဲ့လည်း လက်တွဲဖော်ရဲ့ မကျေနပ်ချက်ကို ရှင်းရှင်းလင်းလင်းသတိပြုမိလာဖို့ အထောက်အကူဖြစ်မှာပါ။

ခေတ္တခွဲနေပါ

ရန်ဖြစ်ပြီးလမ်းခွဲကြဖို့ ဆိုလိုတာမဟုတ်ပါဘူး။ တစ်ယောက်နဲ့တစ်ယောက် စိတ်ဆိုးနေကြတဲ့အချိန်မှာ ရက်ပိုင်းလောက် မတွေ့ဘဲနေကြဖို့ပါ။ ဒီလို ခေတ္တမတွေ့ဘဲနေလိုက်ခြင်းအားဖြင့် စိတ်ဆိုးပြေသွားတဲ့အချိန်မှာ တစ်ယောက်ကိုတစ်ယောက်က ဘယ်လောက်လိုအပ်တယ်ဆိုတာကို ပိုနားလည်ပြီး နှစ်ဦးကြားအချစ်တွေ၊နားလည်မှုတွေ တိုးလာနိုင်ပါတယ်။

Ref: self.com