ချဲလ်ဆီးအသင်းဟာ နည်းပြ ဂရေဟမ် ပေါ့တားကို ထုတ်ပယ်ခဲ့တာကြောင့် ပြင်သစ်ဂန္တဝင် ကွင်းလယ်ကစားသမားဟာ စတမ်းဖို့ဒ် ဘရစ်ချ်က နည်းပြရာထူးအတွက် ရွေးချယ်စရာအဖြစ် ထွက်ပေါ်လာခဲ့တာဖြစ်ပါတယ်။
ပြင်သစ်လူမျိုးနည်းပြဟာ ရီးရဲလ်မက်ဒရစ်နည်းပြအဖြစ်နဲ့ ချန်ပီယံလိဂ်ဖလားကို ၃ နှစ်ဆက်တိုက် ဆွတ်ခူးနိုင်ခဲ့သူဖြစ်ပြီး ၂၀၂၁ ခုနှစ်မှာ လာလီဂါထိပ်သီးအသင်းကြီးနဲ့ လမ်းခွဲပြီးကတည်းက နည်းပြအလုပ်နဲ့ အဝေးမှာ နေထိုင်နေခဲ့တာဖြစ်ပါတယ်။
လက်ရှိမှာတော့ ချဲလ်ဆီးအသင်းနည်းပြသစ် ဖြစ်လာနိုင်တဲ့ နည်းပြစာရင်းထဲမှာ ပါဝင်နေတာဖြစ်ပြီး ၁၉၉၈ ကမ္ဘာ့ဖလားချန်ပီယံဟောင်းက မဝေးလှတဲ့ အနာဂတ်မှာ ပရီးမီးယားလိဂ်ကလပ်အသင်းကို ဘာကြောင့် မပြောင်းရွှေ့ချင်လဲဆိုတာကို ယခုနှစ်အစောပိုင်းမှာ ရှင်းပြခဲ့ပြီး ဖြစ်ပါတယ်။
“အချို့ အခြေအနေတွေက အရာအားလုံးကို ပိုပြီးတော့ ခက်ခဲစေပါတယ်။ ကျွန်တော် မန်ချက်စတာကို သွားချင်လားလို့ မေးမြန်းခြင်းခံခဲ့ရတဲ့အချိန်မှာ ကျွန်တော် အင်္ဂလိပ်စကားကို နားလည်တယ်။ ဒါပေမယ့်လည်း အဲဒါကို လုံးဝ ကျွမ်းကျင်မနေဘူး။ အင်္ဂလိပ်စကားတောင်မတတ်ဘဲ ပရီးမီးယားလိဂ်ကလပ်အသင်းတွေကို နည်းပြနေတဲ့ နည်းပြတွေရှိတာ ကျွန်တော် သိပါတယ်။ ဒါပေမယ့် ကျွန်တော်ကျတော့ မတူညီတဲ့ပုံစံနဲ့ အလုပ်လုပ်ပါတယ်”လို့ ပြောကြားခဲ့တာ ဖြစ်ပါတယ်။