ကိုဗစ် နဲ့ပတ်သက်ပြီး ဖြေလျော့ပေးထားတဲ့ စည်းကမ်းသတ်မှတ်ချက်တွေကလွဲလို့ ကျန်တဲ့ စည်းကမ်းသတ်မှတ်တွေကို စက်တင်ဘာလ (၃၀)ရက်နေ့ထိ ထပ်မံတိုးမြှင့်ကြောင်း ကိုဗစ်ကာကွယ် ၊ထိန်းချုပ်၊ ကုသရေး ဗဟိုကော်မတီက ဒီကနေ့ညမှာ ထုတ်ပြန်ခဲ့ပါတယ်။

လက်ရှိမှာရခိုင်ပြည်နယ် တစ်ခုလုံးကိုလည်း Stay at Homeကြေညာထားပြီး တခြားတိုင်းနဲ့ပြည်နယ်တွေကိုလည်း ကိုဗစ်စည်းကမ်းချက်တွေနဲ့ပတ်သက်လို့ ကန့်သတ်ချက်တွေကို ထပ်မံတိုးမြှင့်လိုက်တာဖြစ်ပါတယ်။

နိုင်ငံတွင်းပြည်တွင်းကူးစက်လူနာတွေပြန်လည်တွေ့ရှိလာခဲ့ပြီးနောက် အခြေခံပညာကျောင်းတွေကိုလည်းရက်အကန့်အသတ်မရှိ ယာယီပြန်ပိတ်ခဲ့သလို လူစုလူဝေးရှိလှတဲ့ ဘယ်လိုပွဲလမ်းသဘင်တွေကို ကျင်းပခွင့်မပြုထားပါဘူး။ စက်တင်ဘာလ (၃၀)ရက်နေ့ထိ ထပ်မံတိုးမြှင့်လိုက်တဲ့ထဲမှာ ပါဝင်တဲ့ စည်းကမ်းချက်တွေအနေနဲ့ကတော့ ဘုရားတွေ၊ ရုပ်ရှင်ရုံတွေပြန်လည်ဖွင့်လှစ်ခွင့်မရသေးသလို ဘား ၊ကေတီဗီ၊ နိုက်ကလပ်တွေလည်းပြန်လည်ဖွင့်လှစ်ခွင့်မရသေးပါဘူး။